In de(m)me Name(n) Goddes Amen In dem(e) Jare na (cristi) gebort vnsz(es) her(e)n veÿrteynhundert iar In dem(e) Seszvn(n)dveff=/tegesten Jare In der veÿrden Iudictien ? des dridden dag(hes) des mant(e) decemb(ris) tho tome(n) ? dagh(e) edd(er) dar bÿ / des aller(e)n hilgest(e)n in god vaders vnd(e) here(n) he(re)n calistri von godd(es) gnade(n) des veyrden paüest(es) synes pawes domck(es) / in dem(e) ander(e)n Jare Is vor mek Arnold(e)n openbar(e)n schriuer vnd(e) dusse(es) nageschreuen(en) tughe Jegenwerdicheit ge=/kome(n) de bescheÿden Egeling(es) brunsrod(e) volmechtich¹ gemaket vo(re) dem(e) Ersame(n) Rade der Stad tho halb(e)r(stadt) vn(n)d hefft / mek in bÿwesende dusser nagheschreuen(en) tughe Jegenwerdicheit geseh(e)n laten lesen vnd(e) hore(n) eyne(n) open(en) besegeld(e)n ? / breff ledegansz vnd(e) vnvorserd myt schriffte(n) vpp(e)game(n) geschreue(n) vnd(e) besegelt mÿt twen grote(n) anhangheden(en) / Jngesegel(e)n mÿt gelem(e) wasse dat sek nuͮ von olders wegen(e) hadde vorveruͮet ? so dat dat wasz ichteswesz wit=/lechtich geworden wasz In dem(e) eyne(n) sigille dat langlechtich was stoÿt eyn bylde vnd(e) eyme siburio vnd(e) hadde / beneden vnd(er) den voͤten twe kleÿne schilde der wapen(e) von olders wegh(e)n nicht wol enekonde bekenne(n) vnd(e) de / v(m)meschrifft des sigilles helt Sigill(e)n Ernesti epi() halb(e)r(stadt) Sund(er) dat ander Sigil was seuewolt dar stot Inne / eyn bylde Sunte Steffens dat sek geneget hadde uppe de knÿ vnd(e) hadde in d(er) hand eyne(n) Staff dar vppe stoͤt ey(n) / cruce mÿt eyn(em) vane(n) vnd(e) so oppenbarde sek in dem(e) sulue(n) Sigille ey(n) hand vth eyn(er) wolke(r) ? nicht verne vo(re) dem(e) / houede Sunte Steffan(us) Sunder de schrifft v(m)me dat Sigil ludede also(s) Sigillu(m) Capituli cccco halb(erstedischer) Vnde mek von / macht wegh(e)n des vorgena(n)t(en) Rades gebeden den breff tho brÿnge(n)de in eyne oppenbar(e) schrifft vnd(e) Instrume(n)t / Vnd(e) dusse breffe inhelt von worde(n) tho worden vnd(e) ludde alsus De Ernst von goddes gnade(n) vnd(e) des stols / tho Rome gnaden Bisschop tho halb(e)r(stadt) bekenne(n) in dussem(e) breue dat wÿ mẏt wulbort vnd(e) wytschop vnd(e) mÿt / rade vnses Capittels vnd(e) vnses getruwe(n) rades vnsen leue(n) getruwe(n) dem(e) Rade vnd(e) den borger(e)n gemeyne vnser / Stad tho halb(e)r(stadt) gesat hebben vnd(e) sette(n) myt krafft dusses breues vnse wertlike gerichte vnd(e) de(n) tolle(n) by(n)ne / der gena(n)ten vnsz(e) stad tho halb(e)r(stadt) vnd(e) vnse vorwerk dar sulues vor teÿn lodighe Marck vnd(e) huͮndert halb(e)r(stedischer) / wychte wÿtte vnde wory(n)ghe dar vor se vnsz hinreke kokerbeke(n) vnd(e) de geuͮangene(n) de myt om(m)e / geuange(n) worden de tho orer hand gelouet hadden geantwordet hebb(e)n also dat se vns de richte Benome(n) / schullen alle Jar vp Sunte walpurg(is) dach mu(n)tliken(e) edd(er) in ore(n) breue(n) also eyn sedde vnd(e) wonheit / wente her tho gewesen is de schulle wÿ denne vnd(e) wyllen on stedigen(e) vnd(e) setten also wÿ den erbenomede(n) / vnsen leue(n) getruwe(n) vnde vnser Stad dat vore vorbroret hebben vnd(e) de schulle(n) vnsz dar tho swere(n) in / allermate alse se vnsen vorvare(n) selger ? dechnisse vn(n)d(e) vnsz wente her tho gedan hebb(e)n ane den artikel vn(n)d / punct wat dar des Jarsz vor valt den schulle(n) se als(us) swere(n) dat se dat de(m)me vorbena(n)ten rade antworden / wyllen vnd(e) schullen des gerichtes vorwerkes tollen vorgen(an)t(er) myt al ore(n) tho behorÿnge(n) roweliken / bruken vnd(e) dat vpneme(n) so dat wÿ noch vnse Nakomelinge edd(er) vnse vorgescreue(ne) Capittel se neÿ/nerleÿe wys dar anne hÿnder(e)n wyllen noch en schulle(n) Ok so erlouͮe wÿ dem(m)e g(e)nante(n) Rade vnser Stad to halb(erstadt) dat se an dem vorbenomeden vnsem vorwerke vorbuͮwe(n) moge(n) drittich lodige marck vnde / dar enbouͮen nicht mer Se endedent denne myt vnser edd(er) vnsz(er) nakomelinge wulbort vn(n)d wÿllen / Ok so moghe wy vnse nakomelinge edd(er) vnse Capittel wan neÿn Bysschop enwere vnse gerichte / Tollen vnd(e) vorwerck ergena(n)t wedd(er) losen von on welke tyt iares we wyllen vor teẏn lodighe marck / vn(n)d hundert witte werÿnghe vn(n)d wẏchte also vorgeschreue(n) steẏt dat scholde wy on auer on ey(n) verdendel / Jarsz vor(e) wette(n) late(n) vn(n)d hedden denne de genant(en) Rad vnsz vorbenomede(n) stad tho Halb(e)r(stad) de drittich lodige / marck edd(er) mer myt wulbort vn(n)d wẏlle(n) also vorbescreue(n) steÿt an dem(e) genant(en) vnsem(e) vorwercke vorbuͮwet / dat twene vnser dompher(e)n vn(n)d twene vthe dem(e) Rade dat erkente(n) dat dat geld odd(er) wat dar enboue(n) myt wylle(n) / dar a(n)ne vorbuwet we(re) Dat scholde wÿ on myt den vorbenomede(n) teyn lodige(n) marcke(n) vn(n)d hundert gensliken vn(n)d alwedd(er) / geue(n) vn(n)d wenne wy dat gedan hebb(e)n So schulle(n) se vns v(n)sen nakomeli(n)ghe(n) edd(er) vnsz(en) Capittel icht ney(n) Bysschopene / were vnse vorbenoͤmede gerichte Tollen vn(n)d vorwerck myt de(m)me buwe dat dar denne vppe stünde vn(n)d mÿt / al oren thobehoringe(n) also wy on dat gesat hebben leddich fry vn(n)d losz wedd(er) antwerde(n) ane geüerde vnde / alle breue de vnse voruare(n) selger dechnisse vnd(e) wy deme vorbenomede(n) Rade vnde den borger(e)n vnser vor/geschreue(nen) Stad to Halb(e)r(stad) gegeuen hebb(e)n schulle(n) by oren wullen mechten bliuen So dat de myt dussem breue / schulle(n) geuestent sÿn vn(n)d nicht vorbreke(n) dat wÿ bysschop Ernst(e) ergena(n)t vnse nakomelinge vn(n)d vnse / Capittel icht ney(n) Bisschop we(re) alle dusse vorgescreue(ne) stucke mÿt enander vn(n)d eyn itlich besunder schulle(n) / vnd(e) wylle(n) stede vnd(e) gansz halden Dat geloue wÿ in guden truwe(n) den vorgena(n)ten vnsen leue(n) getruwe(n) dem(e) / Rade vn(n)d borger(e)n gemey(n)ne vns(er) vorgenant(en) Stad Halb(e)rstad vn(n)d hebbet on des tho bewysinge geue(n) dussen breff / besegelt myt vnsen grote(n) angehengende(n) Ingesegele Vn(n)d we Albrecht Schencke kelner de eldere / Goswÿn von adenstede scholmest(ere) tho dem(m)e dome tho Halb(e)r(stad) Nicolaus stuue prouest tho Sunte Bonifacio / vn(n)d dat Capittel gemey(n)ne des vorgena(n)te(n) goddeshus(es) tho Halb(e)r(stad) bekenne(n) In dussen Jegenwerdige(n) breue / dat alle dusse vorgeschreue(n) stucke vnd(e) ey(n) iowelk besunder gescheyn syn mÿt vnsem(e) gude(n) wÿlle(n) witschop wul=/bort vn(n)d Rade vn(n)d hebb(e)n des tho orkunde vnses vorgeschreue(nen) Capittels grote Ingesegel by dat Inge=/segel vnses vorgena(n)t(en) her(e)n here(n) Ernstes Bysschopes tho halb(e)r(stad) gehang(en) late(n) an dussen breff de gegeue(n) is / Na goddes bord Drÿttheynhundert jar in de(m)me Dre vndenegentegesten Jare des Donnerstag(e) all(er) negest na / Sunte Laurentij Daghe des hilgen mertelersz Dÿt isz gescheyn in bÿwesende dusser tughe also Nycolai / schriuers Symon stegelers clerike(n) Halb(e)r(stedischer) bysschop domes de hyr to synt worden geesschet vn(n)d ge=/ropen to tuchnisse aller vorberorder stuͮcke / Vnde ek arnoldus Mysschel ey(n) clerich mensches bẏsscopdomes von keÿserlike(r) macht / eyn openbar schriu(er) wente ek myt dussen vorgeschreue(n) tüge(n) Jegenwerdich gewesen / bÿn vn(n)d alsodane(n) breff to trassumere(n)de ? vn(n)d tho bryngende in eyne oppenbare(n) schrifft / angeropen vn(n)d gebeden byn dat alle dusse dÿng also gescheen vormek vn(n)d in bÿ=/wesende duss(er) gnant(en) tughe So hebbe ek dusse scrifft myt myn(er) eygen(er) hand ge=/schreue(n) vn(n)d vorteke(n)t myt mynem(e) wontlike(n) tekene(n) vn(n)d name(n) tho grote(ren) / geloue(n) vn(n)d tuchnisse alle dusser vorgeschreue(nen) stucke / Arnoldus Mÿsschel