Wy Arnoldus Treskow vicedominus der kerken tho Halberstad bekennen openbare Jn / dessem(e) breue voralswem(e) dat wy gheleghen hebben vnnd lenen jn crafft dusses breues / Tylen lutherdes borgher tho Brunswick tho eynem(e) rechten eruen manliken lene / eyn holtbleck gheheyten dat kopholt be leghen an deme elme bouen holtorpe myt / alle syner rechticheyt vnnd tho behoringhe szo alze de sulue Tyle lutherdes van ern(e) / liuiu(s) (?) van velthem zeliger vnsem(e) voruar(e)n tho lene ghehath hefft vnnd wy schulle(n) / vnnd willen ome dusses vorscreuen kopholtes vnnd lenes syn seker(i)nghe¹ here we/sen vnnd one² entheuen van aller rechten ansprake wur vnnd wanne ome des / noth vnnd behoff were vnnd dath van vns gheesschet worde vnnd des tho bekant/nisse hebbe wy vnse Jng(esegel) witliken ghe henghen lathen an dussen breff Ghe/gheuen na der borth (cristi) vnses her(e)n Dusent vertheynhundert dar na jndem(e) eyn / vnnd achtighesten Jare am(me) daghe Gregorij Desz hillighen Pawest(es)