Of Schrifftlich schilde Vnnd gerechtigkeit Schutzrede antwurd Nochrede vnnd Kegenrede i(t)c der Wirdigen vnser lieben Andechtigen Dechants vnnd Capittels . Vnser lieben frawen Kirchen In vnser Stad Halberstad Von der selbigen vnser lieben / frawen Kirchen vnnd ŏrentwegen als Cleger eẏnes Vnnd der Ersamen vnnser lieben getrüwen Borgermeister vnnd Rathmann(e) der gnanten vnnser Stad halberstad von wegen ŏrer mitbŏrger Hansen Drogekop Henni(n)ger / Ram(m)erszberg Berthmans Kegel Hans Huͦ(n)derzossen Hansen von Rirgolszem Mararsen Drabe Ladeken Kickebecker Hansen Boldermanss . Heinrichs Odenstede Hansen Broẏger Henni(n)gs Deniken Hansen boirthe Andresen / Krusen Cordes Ingelinstede . Vlrichs . Smedicken die nachgelassen witwe Vnnd erben heinrichs hensehus selbigen Henni(n)gs Geuͦuerdes Heinrichs Kischen Hansen Henni(n)gs Hansen Rouers beÿnen thanemann(e) Clausen Sÿmons Hansen / Schymelkorns volckmans von Rethen Geuerds cleÿnen Henni(n)gs Ebeling Henni(n)gs Ingelustete Vnnd Herman(n)s hertzberg als beclagten anders teils Sprechen vnnd Erkennen wir Ernst von gots gnaden Ertzbischoff zu Magdburg pri/mas In Germanien Administrator der Kirchen zcu Halberstad herztoge zu Sachsen Lantgraae zu doringen vnnd Marggraue zcu Meissen nach belering(e) der halben gehabt zumassen hiernachvolgt vorrechte . Vnnd zcumersten / vff die Schutzrede vnnd Except(i)on Da durch vnnd mitte sich die obgnanten Borgermeister vnnd Rathmann(e) der Antword vorhoffen zubeschuͦtzen Vnnd auch die cleger die selbegen Borgermeister vnnd Rathmann(e) nicht vormeynen als vor/trether der obgedachten orer mitteboͦrger zu zulassen . Sprechen wir vorrecht Das sich die gedachten Bŏrgermeister vnnd Rathmann(e) vormittelst solbicher ŏrer Schuͦtzrede . vnnd Except(i)on der Antwurd nicht beschutzen noch auffgehal/den mŏgen Es sollen auch die selbigen Borgermeister vnnd Rathmann(e) ausz krafft des angezceigten Anlass als vortrether der bemelten ŏrer mitborger , billich zugelassen werde von Rechts wegen(e) , Darnach vff die gewhre So Borger/meister vnnd Rathmann(e) obgnant von der clegern gefŏrdert vnnd gebeten vnnd vff zurede vnnd nachrede i(t)c Sprechen wir vorrecht Als vnnd nachdem disse bergische scheel vnnd gebrechenn8e) noch Lantlowfftiger(e) weratlicher weẏse zum(e) rechten / vorfast vnnd voranlast Auch also zugeleÿt vnnd obergeantwurd doduͦrch sindt dẏ cleger den selbigen Borgermeister vnnd Rathmann(e) solbicher oͦrer schuͦlde vnnd zusprŏche eyne genügsa(m)me bestendige Gewer wie Recht vnnd Lantlŏufftig duͦrch / sich adder ŏren Sindicum vnd Anwalden . zuthun schuͦldig Vnnd so sy sich des wegen worden solten Borgermeister vnnd Rathmann(e) als vortrether der gnanten orer mitbŏrger der antword losz vnd ledig geteilt vnd also ab Instantia In/dicẏ entpu(n)den vnnd absoluirt werden von Rechts wegen Furder vff Schultz Antwurd Nochrede vnnd Kegenrede i(t)c dy hŏwbtsache an sich selbst betreffende So von beiden teilen In vil langen Manchfeldigen vorworren schrifftn auf/bracht Sprechen vnnd Erkennen wir vorrecht . Worden die ebemelten Techand vnnd Capittel . wie sich zu rechte gebirrt vnnd eigent erweisen das der selbigen ŏrer kirche von etwann vnser vorfaren Bischoffe zu halberstad eynen alles recht / des Ztehendes nichtes vsygeflossen vff der margke zu Latken herszleue rechtlich gegeben vnnd zugeeigent seă Dann(e) solte den gnant(e)n Dechand vnnd Capittel auss Krafft der selbigen gabe der zcehende von kornn vnnd hopfenn vnnd allen / andern frachten der gedachten margk zu Latken hersleue billich volgen Es were dann(e) sache das ernochmals ausz vnnsernn vorfarn Bischouen zu halberstad eyner Als Nemelichen Bischoff Albrecht seliger dÿ frachte des kopfzcehendes / doselbst zu Latken herszleue den ehebestympten Borgermeister vnnd Rathmann(e) auff zuheben vorgunst vnnd zugelassenn Vnnd dÿe selbigen Bŏrgermeister vnnd Rathmann(e) . solliche frachte des kopfzcehenden rechte vorworte Zceit vnd / also Vierzeig Jar von wegenn des bemelt(e)n vnnsers vorfarn , entpfangen vnnd vffgehobenn hetten . Alsodenne . So das durch Borgermeister vnnd Rathmann(e) wie Recht bÿebracht worde . Weren Dechend vnnd Capittel egnant , / darch selbiche gunst vnnd vor Jarünge von bemelter ŏrer gerechtigkeit des kŏpfzcehndes So ŏre Kirche vnnd sye auss Krafft der obgedachten gabe erlant . gefallenn So aber die nehstgedachtenn Dechand vnnd Capittel erwei/sen worden das sie den selbigen korn vnnd kopfzcehenden , Zu ŏrer gebrewchlichen Gewer vorwerte Zceit gehabt vnnd denn also durch eyne Rechtliche vor Jarunge vnnd preschript(i)on vberkom(m)en vnnd erlangt Auch Zu der ge=/stalt das sy adder ŏre vorfarn von sollichen felden Garten wesen adder Eckern gebuwet vnd . vngebüwet , derhalben sich Itzmidt disse Krigische Irrunge erhobenn etwas von Wegenn sollichs Zcehenden entfangen vnnd auff / geno(m)men haben . Danne sŏlte ŏn , sollicher korn vnnd kopfzcehende auch billich volgenn So sie aber von allen adder erlichen den selbigen Eckern Garten Wesenn adder feldenn . von wegen des Zcehenden nichts vffgehobenn8e) / ?aun mŏchten sy auss Krafft . sollicher ŏrer vorJarung(e) die weile sich die vff Nhüe gebuwte felde vnnd Noüalia ? nicht erstregkt . den kopfzcehenden(n) So sy den In orer gebrewlichen Gewer . In der gestalt wie hieroben nichte / gehabt awff den newe gebewten(e)n hopfgartenn nicht erlangen Vnnd ŏn sŏlte also entlich aller zcehende Von den Eckern Wesen Garten vnnd feldenn Vff den sie sollichen Zcehenden durch die selbige ŏre rechtliche VorJaru(n)g / vnnd preschript(i)on orlangt vnnd nicht von den andern billich volgen(e)n Welche parthie auch In disser Krigischen Sache selbig wurde . mŏste der andern ŏre gerichtskost , vnnd Expenss noch rechtlicher messunge vnd / Taxat(i)on erstaten vnnd widderkoren von Rechts wegen Zu Vrkunde mit vnserm anhangenden Ingesigel vorsigelt Vff Mantag nach Kiliani martiris Anno do(m)ini i(t)s Nonagesimo Vff dem petershofe Sind / disse Vrteil vnnd Rechtsprach durch vnnser Ernsts Ertzbischoff i(t)c obgnant Rethe Nemlichenn Heinrichen von Than , Hansen Kottzenn . vnnd Ern Vlrichen vogt . Licentiaten , vnnd Cantzlern dar zu vororordent / In beider obgnanter parthien biewesen vnnd vff yr anregen excoffent gelesen vnnd promulgirt Vnnd durch den Dechand vnnd Senior(e)n . von wegen des Capittels vnnd In ŏre gegewertigkeit als clegern ŏre gewe/re bie vorpfendung aller vnnd iglicher der kirchen vnsr lieben frawen . gatern genantem Heinriche von Than mit hand vnnd münde zugesagt vnnd gelobt des ynn(e) beide teil vorsigelte Copien vnnd Zeÿmlich ? scrift / nemlich Zcehentage ob ynn(e) laterung noit sein worde sich zubedenckenn zugeben gebetenn haben(e)n Des beiden teilen Darch obgnante Reche souil ÿnen nach lawt des Anlasz gebŏrenn wil vorgan(n)et vnd zugegeben ist