Ick Hans Noẏsz anders gnant Kauoeth Borger(e) to Osterwick Bekenne openbor(e) vor meck mÿne eruen vnd(e) erffnemen vor alszwem(e) / de dussen breiff sehn edder horen leszen ¹ dath eck mith wolbedachtem(en) mode vnd(e) feÿen² willen recht vnd(e) redeliken vorkofft hebbe / vnd(e) vorkope Jegenwardigen in crafft dusses breiffes veffteÿn nÿe halbe(r)stedesche schillinge Jarlikes tinszes¹ an vnd(e) vth mynem(e) husze ¹ / haüe vnd(e) steden vor Jm(e)haghen an der Jlszen ¹ alleÿne nicht verne van eÿner bruggen belegen bÿnnen osterwick vnd(e) an aͤnbote / vnd(e) alle Smedetaw nuth aller to behoringe in dem(e) suluen husze ¹ den werdigen heren deken Senior(e) vnd(e) Gantzem(e) Cappittele sente / Bonifacies Kercken bÿnnen halbirstadt vor viff marck halbirstedescher(e) weringe de mick de suluen heren in eÿner su(m)men wol / to dancke vullenkomen vornoͤget hebben vnd(e) eck de vorth Jn mÿne vnd(e) mÿner(e) eruen nüth vnd(e) fromen gewandt vnd(e) gekarth / hebbe Dusse vorschreuen veffteÿn schillinge Jarlikes tinszes ¹ will eck vnd(e) myne eruen aeffnemen vnd(e) Intokomenden tijden besitter(en) / vnd(e) hebber(en) desz ¹ suluen huszes ¹ haues vnd(e) Smedetawes in sampt effte besunder(e)n schullen , den gnanten heren Deken vnd(e) Cappittelle / in ere kelnerÿe tom(e) Testamente Er(e)n Hinr(ik) ordonis zeliger(en) alle Jar(e) vppe de hiligen dage to paschen In de Stadt halbe(r)stadt gutliken / vor noͤgen vnd(e) betalen sunder(e) Jennigerleye hulperede argelist vnd(e) geverde Ock schall eck dat vorberorde husz ¹ hoff vnd(e) Smadetaw / vorder(e) nicht vorpenden edder(e) anderwisz¹ mith tinszen ¹ besweren effte van enander(e)n brengen vnd(e) besunder(e)n vorkopen ane der er(e)gnan=/ten heren deken vnd(e) Cappittels weten willen vnd(e) vulbordt Vorder(e) hebbe eck vor meck mÿne eruen vnd(e) Jn natijden besitter(e) desz ¹ / gedachten huszes ¹ haues vnd(e) Smedetawes de macht beholden dath we alle Jarlikes de vorschreuen veffteÿn schillinge Jarlikes tinszes ¹ / mogen wedder(e) affkopen vnd(e) wen(n) we dath dhon willen dath schullen we den er(e)gnanten heren deken vnd(e) Cappittelle touor(e)n / vpp(e) wÿnachten vorkundingen vnd(e) denne vpp(e) de negestuolgende hilge(n)dage to paschen de vorschreuen viff halbirstadesche / marck alsze ¹ de(n)ne bÿnnen halbirstadt genghe vnd(e) gheue synt houetsu(m)men mith den bedageden vnd(e) voreszeten ¹ tinszen ¹ all In / eÿner Su(m)men ohn In der stadt halbirstadt gutliken weddergeuen vornoͤgen vnd(e) betalen sunder Iennigerleye hulperede argelist / vnd(e) geverde Dussz ¹ to orkunde vnd(e) groter(en) wissenheit hebbe eck hansz¹ neysz¹ vorgnant vor meck mÿne eruen vnd(e) Jn natijden / besitter(e) desz ¹ vorschreuen huszes ¹ haues vnd(e) smedetawes , den Ersamen Diderick wramp nü tor tijdt Stadtvoged to osterwick / gebeden dath he wille den er(e)gedachten heren deken vnd(e) Cappittele ouer dath gemelte husz ¹ hoff stede anebote vnd alle smede=/taw den ersten freden van synes amptes wegen wercken vnd(e) dussen breff mith synem(e) Ingesegill vorsegelen Vnnd(e) Eck / Diderick wramp Stadtvoged to Osterwick Bekenne openbor(e) in dussem(e) suluen breiffe dath eck v(m)me bede willen Hansz ¹ / Neysz¹ anders gnant kauoͤth Borgers to osterwick , den er(e)gnanten heren deken Senior(e) vnd(e) Gantzem(e) Cappittele sente Boni=/fac(ies) kercken bÿnne(n) halbirstadt ouer szodan(e) ¹ vorberorde husz ¹ hoff stede anebothe vnd(e) alle smedetow nuth aller(e) to behoringe / den ersten frede gewercket vnd(e) dussen breff dar ouer(e) mith mynem(e) angehangeden Jngesegill vorsegelt ge geuen hebbe / Na der Bordt (cristi) vnszes ¹ heren veirteynhundert Jar(e) dar nha Jm(e) Twe vnd(e) Negentugesten Jare Am(e) Dingestage na sente / marcus dage desz ¹ hilgen ewangelisten /

latet hir vp teyken den dach vnd de tuge dar vor . / er frede ge wercket werd dat men den breff ³ mach vullen to schriuen⁴ /