Anno d(o)m(ini) Mcccc xciiij /

Fferia Sexta die Sanctj Anthonij hebben seck Drewes Dithmers / vnde Hanns Mens Tinszher(e)n van des Radeszwegen Mit Steffenn / Nu(m)mergude vordragen vnde to eynem Wagenknechte upp den Marstall / gemedt Duth tokomendende Jar langk wente an de tokunfft des Niggen Radesz / Dar vor hebben se ome to loue gelouet xliiij schogk iiij ellen grawesz / Brunszwikesches wandes vnde twe ellen Wittes wandesz v gosz(larische) d(inarii) vor / den schilling(e) vnde x schilling(e) vor dat schock vnde eyn ffoider holtes / Dar midde schall ome gelouet sin vnde den Radt furder Nyrgen v(m)me / to manende dat so geschein Js die quo sup(ra)

Anno d(o)m(ini) et c(etera) xciiij des Sondages Reminisce(re) Jn der hilligen(n) vasten to vesp(er)tijt / dages adder dar by Sy(n) hans pannensmedt cleger sampt(e) Hinr(ick) plottzen(e) vnde / Mester Hans Swertfeger(e) der(e) twisparrigen sakehaluen so he der veide vnde / schadenhaluen ome van etliken Jn der pannensmeden Jn vorledene(n) tijde(n) eÿner / magethalue(n) Wilhelme gedenet hadde to gewant geleden hadde vpp eyne vnde / Wilhelm(e) Dobberpoll beclagede sampt(e) Ern Gerde Geszmelde ander(e)sz/deyls vor(e) vnsen her(e)n dem Rade ers ¹ vnde ffredericke van Hoym des Stifft(e)s / houetman(ne) erschenen Clage vnde Antwurd(en) entdecket vnde dar(e) uͦpp entlike(n) / Hans pannensmede vam Rade vnde hoaetmann(e) togesacht So he Wilhelm / vorgn(an)t(er) furder vnbedinget Nicht vormeÿne to latende alse denne schulle / he sine schult Jnwendich xiiij dagen deme Rade ouer² schrifftliken(e) / ouer Antwurde(n) vnde denn(e) dar na Wilhelm(e) sin Antwurd(e) ock bynne(n) / geborliker tijdt Vnde denn(e) sodann(e) schult vnde antwurd(e) de Rat sampt(e) / deme houetma(n)ne an de stede Antwurd(e) beleringe dar upp to erlangende / vnde denn(e) dar na eyne(n) Jder(e)n so vele alse Recht is toseggen na wette(n) to hebbe(n)d(e) / vnde so hans panne(n)Smedt dar suͦmich Jnne wurde sine clage nichtscrifft/liken bynne(n) veyrteynnachten dem(e) Rade vnde houetman(ne) ouer Antwurde Alse / denne scholde Wilhelm(e) Dobberpol siner gentzliken losz sin vnde Jn to / komenden tijden to neyne(n) Antwurd(en) mer vorstricket der sakehalue(n) to Antwurd(en) / Dat so geschein Js im(e) Jare vnde dage oue(r)berordt