Ek Hans Keye Borgher(e) tho halberstadt Odeke myn elike husfruwe beke(n)ne(n) openbar vor vns vnsze erüen vnd(e) vor / alszweme dat we mith wolbedachte(m) mode , Ock mith wille(n) witscop vnd(e) fulbort Des Erwe(r)digen vaders vnde here(n) Herma(n)nj abbras / vnde des gantzen Co(n)uentes des closters tho ilseneborch Sunte benedict(us) ordens Halberstedech stifftes recht vnd(e) redelike(n) vor de(n) werdige(n) / Here(n) er(e)n Nicolas Tilema(n)nj Im(e) geystliken(en) rechte licentiaten officiall des houes tho halberstadt yn openbare(n) gerichte vp eyne(n) wedder / kop vor kofft hebbe(n) vnd(e) vorkopen In crafft dusses breues den Erhafftige(n) here(n) vicarie(n) gemeynlike(n) vnser leue(n) fruwe(n) Kerke(n) tho / Halb(e)r(stadt) effte ore(n) p(ro)cu(r)atorj effte wene se tho orem dinge to vorstande keysen dre ferdi(n)g geldes iarlikes tinses halb(e)r(stedischer) weringe vor twalff / marck der gn(an)ten halberste(des)che were de se vns vul vnd(e) all wol tho danke vornoget vnd(e) we see vordt in vnsze vnd(e) vnser erue(n) nudt / vnd(e) vrome(n) gekarth hebbe(n) , vth vnd(e) an eyner haluen houe landes belegen(n) vp dem(e) velde tho swambock de itzundt woldach weuer vnd(e) / dem plege hadt de we van deme gn(an)tem abbate vnd(e) Closter tho ilseneborch tho erue(n) tinse hebben vnd(e) one dar alle Jar ses schylli(n)gh(e) / halb(e)r(stedesche) tho erue(n) tinse plegen van tho geue(n) vnd(e) vth vnd(e) an vnsem huse ¹ belegen vp deme kornemarkede tho Halb(e)r(stadt) twisschen / der asmus bockschen vp eyn vnd(e) hinrick scarp Klauwe vp ander siden husen belegen sodan dre ferdi(n)gs geldes halb(e)r(stedischer) weringhe / jarlikes tinses schullen vnd(e) willen we vnse erue(n) vnd(e) nakomeli(n)ge bruker der gnante(n) goider(e) den Ergnante(n) here(n) vicarie(n) In vnser / leue(n) fruwen kerken effte orem(e) p(ro)cu(r)atorj geue(n) vnd(e) wol tho dangke betalen alle jar vp de . hilgen paschen ane ienigerleye i(n)sage / behelpinge edder argerlisstvmbeku(m)mert geystlikes effte wertlikes gerichtes Sunder we hebben vnsz vnsen erue(n) vnd(e) Nakomeli(n)ge(n) / brukeren(n) der gn(an)te(n) halue(n) houe landes vnd(e) huses de mach beholden dat we moge(n) welkes iares we wille(n) sodane dre ferdi(n)gs geldes / Jarlikes tinses halb(e)r(stedischer) weringe wedder affkopen vnd(e) wan we dat don willen schullen vnd(e) willen we den vorgescreue(nen) vicarien / tho vor(e)n in den hilgen dagen tho wynachte(n) vorkundigen(n) vnd(e) denn(e) dar na vp de paschen twalff marck halb(e)r(stedescher) weringhe / houetsu(m)me(n) mith deme thinse de sick denne behoret vnd(e) efft des wes vorseten were In eyner su(m)me(n) goytlike(n) vnd(e) wol tho danke / wedder geuen vnd(e) betalen an alle geuerde vnd(e) wan dat alszo geschen were scholde dusse breff machtlos wesen(n) alle dusse vorgescreue / stucke vnd(e) artikele tho sampt vnd(e) besunder(e)n loue ick Hans Keye odeke myn husfruwe mith vnsen vorbenomyden den vorgescreue(nen) / here(n) vicarie(n) Stede vnd(e) vaste Jn guden truwen(en) wol tho Holden des tho beka(n)tnisse ² hebbe we den vor gnante(n) here(n) Nicolaum / Tilema(n)nj officiall des houes tho Halb(e)r(stadt) Jn ope(n)bar(e)n gerichte Rechtlike(n) gebeden dussen breff vnd(e) alle vorgescreuen(en) artikel van / synes gerichtes vnd(e) ambachtes gewalt wegen tho bestedigen(n) vnd(e) we Nicolaus Tilema(n)nj offic(ial) vorgnant beke(n)ne(n) ope(n)bar / In dussen(n) suluen(e) breue vor alsweme dat sodane kop . vnd(e) alle artikele alse vorgescreuen(en) staen jn vnsen gerichte bekant vnd(e) / ghescheyn sin So hebbe we v(m)me der vorghescreuen(en) parthe vlitighe bede willen dussen kop vnd(e) artikel bestediget vnde / bestedighen den Jege(n)werdigen(n) jn crafft dusses breues den we mith vnses ambachtes Inghesegell vor de vorbenomed(en) den / ergnanten heren vicarien witliken hir ouer vorseggelt ghegeue(n) hebben vnde we Herma(n)n(us) van goddes gnade(n) abbet / Hinricus prior Joha(nn)es Kelner vnd(e) de gantze co(n)ue(n)th des closters Ilseneborch Sunete be(n)edictes ordens bek(e)nne(n) ock In dussem / sulue(n) breue dat dusse kop so mith vnsem willen(e) witschop vnd(e) vulborth ghescheyn is des tho beka(n)tnisse hebbe we vnses / Closters Ingheseggell witliken(e) gehenget laten(n)benedden an dussen breff Na der geborth cristi verteynhu(n)dert Jar dar na / In dem(e) veyr vnd(e) negentigesten Jare des middewekens Na dem(e) sondage Quasimo(do)genitj hir an vnd(e) ouer sin ghewesen(n) / de bescheyden(e) Hinicus sickghusen vnd(e) Joha(n)nes Ko(n)ni(n)gk Inwoner der stadt halberstadt tuge(n) hir tho ge esschet vnd(e) ghebede(n)