Wy Arnoldus treskoüw vicedominus der kerken to halberstadt Bekennen openbar(e) / jn dussem breue vor alsweme , dat wy gelegen hebben vnde lenen jn craft dusses / breues Tilen lutherdes Borger(e) to Brunswigk , to eynem rechten eruen , manliken / lene Eyn holtbleck geheten dat kopholdt , belegen an dem elme , bouen holtorpe / myt alle syner rechticheijt vnde tobehoringe So syn salige vader Tile luter/des dat voer(e) van vns to lehne gehadt heft , vnde wy schullen vnde willen ome / dusses vorgescreuen kopholtes vnde lehnes , syn beke(n)nige here vnde / warende wesen , ok one entheüen va(n) aller rechten ansprake wur vnde / wa(n)ne om des noet vn(de) behoüff were vnde dat van my geeschet worde / vnde dusses tobeka(n)tenisse , hebben wy vnse jngesegell witlicken laten / hengen an dussen breff Nach Cristi vnses here(n) gebort verteinhündert jm / veervndenegentigeste(n) jaren Am Mandage Nach dem Sondage Exaudi