Anno d(o)m(ini) Nonagesimoq(u)into ffe(r)ia secunda post Anthonij Is Drewesz / kerstens dorch vorschriffte Benerdes van Hoym des Junger(e)n tho / Tillingen vor den Radt gekom(m)en vnde mit sinen uthgestreckeden handen / to den handen des Borgermeist(ere)s Albrecht Meyen In bywesende vnses / gnedigesten hern Wertliken Richters Dithmar knorren vpp des / Rades Dorutzen dar de gantze Radt In Radeszwise vorsamet seten / sin husz vnde hoff In der velken Strate negest Tilen Gerkenn(e) / vorwerke deme Rade genszliken vorlaten(e) He noch neyma(n)t van siner wege(n) / gebor(e)n noch vngebor(e)n nu(m)mer mher to ewigen tijden dar upp to sakende . / vnde de Rat mach mit sodan(n)e huse vnde houe vortmher don na alle ore(n) / besten enenkom(m)en ane Jderma(n)sz vorhinderinge dat so geschen Is am(e) / Jare vnde dage ouenberordt

Anno d(o)m(ini) Mccccxcvo des ffridages Na Sancti Karoli dage Is Hansz / lakenmecker(e) sampt(e) Hennyngk Gruttemecker vnde ¹ vor dem(e) Rade / erschenne(n) vnde¹ sam(m)ptliken vnde eyndrechtliken berichtet dat se seck / In der ehestifftinge alse hans² Hansz lakenmecker hennig(en) gruttemecker / sine dochter to deme sacramente des hilligen echtes vortruwede vordragen(en) / hebben tokunfftigem vnwillen(e) vortokomende In dusser nageschreuenen(e) / wise Weret Dat Hennyngs lakenmecker van dussem ertrike vorstorue / vnde lakenmeckers dochter by ome nicht beeruet were des got Nycht / en wille So schall gnanten Hannsz lakenmeckers Dochter(e) wedder / uthbringe(n) alle dat se Ingebracht hefft vnde or In deme brutstole gegeue(n) / gegeuen Is vnde sunderken(e) Seszvndevertigestehalue ma(r)ck an twen / par leydeschen cleder(e)n vnde an suluerwerke(n) vnde an eyne(n) bedde so / alse seck dat behort to den eren(e) sodans schal lakenmeckers dochter / wedder nheme(n) vnde Negen marck an gelde Dar(e) to hefft henni(n)gk / Gruttemecker lakenmeckers Dochter vth sinen Reydesten guder(e)n / Drittich Halberstedesche marck bescheden vnde gegeue(n) or(e) vngewey/gert to Rekende Dat so van beiden parten In bywesende der / Ersamen Hannsz Ernstes vnde Hartman(e) Niggendorpes geschen / besproken vnde vorwillet Is vnde gebeden sodans to eyner ge/dechtnisse In des Rades bock touortekende Dat so geschen Is / dorch geheite des Rades Am(e) Jar vnde dage ouenberort

Anno domi(ni) et c(etera) xcviij Am(e) auende Sanctj Nicolai Epi(phanie) wasz he(n)nig(e) / Gruttemecker vor dem(e) Sittenden Rade In Jegenwerdicheit der gilde/meiste(re)s vnde Burmeist(ere)s vnde Burmeist(ere)s de mit dem Rade to Schotte seten vnde / brachte sin Schott van sinem gude vnde alse sin husfruwe Mit vnwillen van ome / wasz ffragede one de Borgermeister offt he dat gut dat sin husfruwe Mit seck / to orem vader genome(n) hadde by deme se alse do wasz ock mit sinem gude vorschoted(en) / De dar vpp antwurd(e) Dat he sin egen gut dat he by seck hedde allene vorschotet / hedde vnde Nicht siner fruwen gut De sine fruwen vnde dat gut hedde De / mochte dat ock vorschoten vnde den Rat Nicht hoger berichtet Desz de Bor/germeister ffricke Steẏnhoff Hannsz lakenmecker In der vorbenomed(en) alle / Jegenwerdicheit de sine dochter vnde henni(n)g(e) Gruttemeck(er)s husfruwen by seck / hadde berichtede De denn(e) van stunt siner dochter gut willige(n) vorschoted(en) / vnde bat sodans touerkenende Dat so dorch des Rades beffell gesch(e)n Is am(e) / Jare vnde dage ouenberort