Conuentio Secunda Capitanij /

Hinrick van kreigendorpes /

Anno d(o)m(ini) Millesimoquadringentesimo Nonagesimosexto Am(e) ffridage na / Reminiscere hebben vnse hern hinrick van Kreẏendorp Noch eyn Jar / vor eyne(n) Houetman angenomen van Mitfastan an wente mitfasten / ouer eyn Jar alse men xcvij schriuen wert Dar vor hebben sie ome / gelouet viff vnde veẏrtich marck twintich grote grosschen vor eyne / marck Sesz ellen leydesches wandes Twe foider klufften eyn foider / washoltes vnde eyn foider hauwes Vnde dar Rot schy(m)melde pert / Is ome vor Negen vnde twintich guld(en) Dat grawe pert mit dem spade / vor sesteyn guld(en) so dat In des Rades werue vorderuet wurde vnde / dat ander grawe pert vor veyrteynguld(en) worden Ingeschreue(n) vnde / so dat grawe pert mit dem(e) spade In sinem wesende bleue vnde nicht / vorderuet wurd(e) so wil he sodane pert beholden vnde schall sin pert sin / Dar by ane vnde ouer sint gewesen de Ersame(n) ffricke Steynhoff vnde / Hansz Ernst / Slaghman /

Anno d(o)m(ini) ut sup(ra) Is Hans Slaghman(ne) Des Mandages Na Letare Wedder / eyn jar vor eynen Marschalck eyn Jar angenome(n) vm(m)e den olden solt vnde / hefft deme Rade gelouet wan des van Noden isz mede to dydende Ock dat wilt / upp dem grauen vorwaren wille Dar upp Is ome sin houewant gegeuen(en) / vnde wan sin Jar vorlopen is vnde dem(e) Rade nicht lengk(er) vor eynen Marschalck / denen wolde adder deme Rade nicht gedelick were vor eyne(n) marschalck tho / denende So hefft he sin houewant ittzunt touor(e)nn entfangen vnde gifft / ome In siner affttedinge Neyn want Dat so dorch den Rat vnde one besproken vnde vorwillet is /

Anno ut sup(ra) hefft Hanns Borneforer vor dem(e) Rade uth gesacht vnde / gelouet den Schrader(e)n Dre olde marck tinses van des kopes weghen / den he den schradern an groppengertersz huse upp dem markete gedan hadde / gelouet upp dusse negestkomende pinxten to geue(n)de vnde den scrader(e)n / van dusser tijt wente Jacobj schirst kunfftich de houetsu(m)men vnde tinsz(en) / touorsorgende Adder beschaffen one dehouetsu(m)me an dem gn(an)t(en) gropengeiters / huse bekant worde adder one dat an ander(e)n guder(e)n vorwissen(e) se des genoige / hebben Dat so In biwesende der Schrader meister(e) vnde vorstender vnde / Hennyngk Denneken van bornefores(e) wegen vor dem(e) Rade vorwillet / vnde geschein isz sc(re)u(en) et c(etera) post domit(i)anj [Cantate ... (crist)us]

Anno xcvj Des ffridages Na dem Achten dage Natitat(us) marie v(ir)g(inis) Is deme houetman(ne) / hinr(ick) van kreigendorpe Eyn wit pert dat he van sinem broder gekofft hadde . So dat / In des Rades werue vorderuet wurde vor twintich guld(en) to betalende Ingeschreuen(e) /