Ick Hans Borneforer(e) vnd(e) Anna mÿne eelike husfrawe Bekennen openbor vor vnsz vnsze eruen vnd(e) erffneme(re)n vor alszwem de dussen / breiff sehn edder horen leszen dath we vor dem werdigen heren er(e)n Theoderico Brandis officiaͤl der Kelnerÿen in der Kercken / to Halbrestadt in openborem(e) gerichte vnd richtes stede mit wolbedachtem(e) moͤde vnd(e) frÿen willen recht vnd(e) redeliken vorkofft / hebben vnd(e) vorkopen Jegenwardigen in crafft dusses breffes den werdigen heren deken(n) vnd(e) Cappittell Sente Bonifacies Kercken / bynnen Halb(e)rstadt driddehalue nye Halb(e)rstedesche marck Twelff Halb(e)r(stedesche) penni(n)ge vor eyn(en) schilling to rekende edder(e) szodan(e) were / dar men bynnen Halbrestadt twelff penni(n)ge vor eyn(e) schilling mede vornogen mach Jarliker(en) renthe vnd(e) tinsze an vnd(e) vth vnsem(e) / husze sampt mit der boden haue vnd(e) steden twischen der Schrader guldehusze vnd(e) paschen Rustes itzwan Hans Le(m)men zeliger(en) husze / tegen dem(e) kornemarckte bynne(n) Halbrestadt vnd(e) an vnszem(en) garden mit aller(en) tobehoringe twischen Hinr(ik) Ingelmstedes vnnd(e) / Hermen Crupers garden in der nyenstadt belegen vnd(e) an eynem(en) wedderkopes breffe elff marck houetsu(m)men vnd(e) virdehaluen / ferding tinszes ouer(e) Jacob Haldensleuen husze vnd(e) hoffe bynne(n) Emersleue holden(e) vnd(e) vorder(e) vth allen ander(e)n vnszen vnd(e) vnszer(en) / eruen redesten guder(e)n vor achtevnd(e)drittigestehalue marck vpgnanter nyer Halbr(estedischer) were de de er(e)gnanten Heren deken(n) vnd(e) / Capittell vnsz vull vnd(e) all in redem(en) ghelde woll to dancke ouer getalt vnd(e) betalet hebben vnd(e) we de vorth in vnsze vnd(e) vnser(e) / eruen nuth vnd(e) fromen gekarth hebben dusse vorberorden driddehalue marck nÿer(en) Halbr(estedischer) were Jarliker(en) renthe vnd(e) tinsze / scullen vnd(e) willen we vorgnant(e)n tinszvorkoper(e) vnsze eruen vnd(e) In natyden besitter(e) der gnant(e)n vnsre(n) guder(en) vnd(e) besunder(e)n huszes / boden haues garden mit aller tobehoringe insampt vnd(e) besunder(e)n vnd(e) de bewoner(e) vnd(e) gebruker(en) huses vnd(e) haues itzunts ? / Jacob Haldensleues to Emersleue na Lude des vorsegelden breffes dar ouer(e) gegeuen den vorbenomeden heren Deken(n) vnd(e) Capittell alle / Jar(e) vpp Sente Johannis Baptisten dach to middenso(m)mer(e) bynnen Halbrestadt gutliken geuen vnd(e) betalen ane jennigerleye insage / hulperede effte ge verde Vnd(e) we Hans vnd(e) anna vorgnant hebben by vnszen waren worden gesecht vnd(e) gelouet dath szodan(es) vor / berorde vnsze guder(e) bouen vefftich gulden de de vicarien vom(e) dhome am(e) husze hebben anders nemande vorkofft vorpendet effte / jennigerleye wisz besweret syn sunder(en) we louen de suluen guder(e) mit allen eren to behoringen to guder(en) mathe in betheringe / to holden vnd(e) weret sake dath szodan(e) vorgnante guder(e) Insampt effte besunder(e)n vorkofft vorpendet effte jennigerleẏe wisz / anders besweret weren willen we de er(e)gnanten heren deken vnd(e) Capittell schadelosz holden welker(en) schade dar von komen / mochte ane geverde Ock vorpenden we in der besten wysze szo dath gescheͤn mach de er(e)gedachten heren deken(n) vnd(e) Capitell / szodan(es) huͤsz boden hoff stede garden vnd(e) wedderkopes breff mith ouer antwerdinge des suluen breffes vnd(e) ander(er) vnse guder(en) / mith allen tobehoringen vnd(e) ock den eygendhoͤm vnd(e) louen dath we nicht en willen intokomenden tyden szodane(s) vorbe/rorde guder(e) insampt effte besunder(e)n vnd(e) den eÿgendhoͤm vorgnant neÿnerleÿewisz vorsetten vorpenden vorlaten edder(e) / anders mith tinszen besweren ane der vorschreuen heren deken(n) vnd(e) Capittels willen vnd(e) vulbordt Schege id dar enbouen / dath en schall neyne macht hebben vnd(e) de suluen heren mogen sick eres tinszes erholen an vnsen vnszer(en) eruen erffnome / vnd(e) in natyden besitter(e)n redesten guder(e)n wo me de vth richten kan ane alle insage hulperede vnd(e) rechtes forderinge Sun=/der(en) we hebben vor vnsz vnd(e) vnsze middebenomeden de macht beholden szodan(e) driddehalue marck Jarliker(en) renthe vnd(e) tinsze / wedder(e) aff to kopende vnd(e) wen we dath dhoͤn willen dath scullen we den er(e)gnanten heren deken vnd Capittell touor(e)n / vpp paschen vorkundigen vnd(e) denne dar nha vpp(e) den erstuolgenden Sente Johannis Baptisten dach achte vnd(e) drittigeste / halue marck nyer(en) Halbr(e)stedescher(en) were houetsu(m)men mith den bedageden vnd(e) vorszeten tinszen effte der welk vorsahen were(n) / in eyner su(m)men gutliken weddergeuen vnd(e) betalen ane alle insage bose indracht vnd(e) geverde Vorder(er) we Hansz vnd / anna vorberort louen vor vnsz vnsze eruen erffnemen vnd(e) innatyden besitter(en) der er(e)gnant(e)n guder(en) huszes Haues steden boden / garden insampt vnd(e) besunder(e)n alle artikele dusses breffes stede vnd(e) vaste to holdende ane iennigerleye behelpinge excip/tien priuilegien vnd(e) statuten geistlikes effte wertlikes gerichtes dar enbouen vnd(e) besunder(e)n ick anna vorbenomet / dho afftichtinge aller priuilegien rechticheit vnd(e) behelpinge wo me de nomen mach de den frowen Im(e) geistliken vnd(e) / wertliken rechte gegeuen syn dath eck mick tegen dussen koͤpp vnd(e) islich artikell besunder(e)n dusses breffes beschermen / vnd(e) behelpen mochte der eck gentzliken in crafft dusses breeffes vor mick vortẏge Dusses allen to groter(en) wissenheyt vnd(e) bekent/nisse hebben we den vorgnanten werdigen heren er(e)n Theodericu(m) Brand(is) officiall der Kelneryen to Halbr(e)stadt gebeden / dussen vorschreuen koͤpp mith allen artikeln bestedigen wille vnd(e) der er(e)gedachten heren deken vnd(e) Capittell dar ouer(e) / to geuende dussen breiff mith synes amptes angehangeden Ingesegill vorsegelt des we hir to gebruken Vnnd(e) we Theodericus / Brandes Official der Kelnerÿen der(e) Kercken to Halbirstadt Bekennen openbor(e) in dussem(e) suluen breffe dath we inrichtes stede dussen / vorschreuen koͤpp inaller(e) wysze szo vorberort isz von vnses amptes wegen bestediget hebben vnd(e) bestedigen iegenwardigen in crafft / dusses breffes den we v(m)me bede willen hansz Borneforers vnd(e) annen syner(en) eeliken husfrowen den er(e)gemelt(e)n heren Deken vnd(e) / Capittell sente Bonifacij Kercken bynne(n) Halbirstadt dar ouer(e) mith vnses officialat angehangeden Ingesegill vorsegelt gegeuen heb=/ben Na cristi vnszes heren gebordt dusent virhundert Im(e) Sesz vnd(e) negentigesten jare am(e) dingestage na Sente Vites dage desz / hilgen mertelers In Jegenworedicheit der Bescheyden Martini peper(e) vnd(e) Georigij von ost(e)wick clericke [meistburge(re)] ¹ vnd(e) halb(erstedischer) / stijftes tugen hir to geheschet vnd(e) gebeden / [...]