De knorresche

Anno D(o)mi(ni) Mccco xcvij des ffridages Na Johannis ante porta(m) latmanj / q(ui) cat() ? dies Sancti pancratij Hebben seck Dithmar vnde Hinr(ike) knorre gebroder / vnde mit one Er Hinrick Kloke vnde Er Johan Benderzan van orer moder / Ditmar knorren zelliger Nagelatene wedewen wegen ores vorsetene(n) de Anno / Nonagesimosexto schotesz haluen So se mit dem Rade dar v(m)me togeuende vnwillich / was uppe eyne Vnde Dorch Hennyngk Denneken Tilen vam hagen Bo(r)g(ere)mest(er)es / Hans Borneforer grote kemer ¹ Mester Andreas Houeman(ne) Muntehern vnde Ern Johan Suluer / gode Statschriuer Dorch den Rat an fulmechtiget dar to geschicket vpp ander / siden(e) Intsampt(e) entliken vnde gruntliken(e) vordragen Is dusser Nageschreuenen(e) / Wise So dat de Dithmar knorresche van stunt an schal vnde will vor / dat gnant(e) vorsetene schot deme Rade gutwilligen geuen Teyn m(a)r(ck) ² halb(e)rs(tedischer) weri(n)ge / xx grosschen vor de Marck Vnde dar tho den vorbenomeden geschickeden des / Rades Er Hinr(ick) Kloke Er Johan Benderzan vnde sunderken Dithmar vnde / Hinr(ick) knor(r)e(n) sampt(e) vnde bisundern geredet vnde louet De gna(n)t(en) knorresche / upp tokome(n)de Sunte Nycolaus dach so se denn(e) Noch Im(e) leuende Is oh Schot / sweren don ³ vnde geue(n) schall gelick ander borger vnde borgerschen bouen vnde / beneden don Vnde dat Neyne(r)ley behelpp Inne to sokende Noch Jennigerleie ffruwe/liken priuilegien dar en Jegen to brukende sundern gutwillig(en) to geue(n)de Vnde / Dar mede schall alle vnwille des schottesz haluen(e) erwassen genszliken bigelecht / vnde gesonet sin Vnde de Rat se vortmer(e) vor eyne gehorsame borgerschen(e) / vnde vndersaten holden vnde gelick ander(e)n middeborgern na vnsemvormoge vor=/dedingen(e) vnde ock alle vorsumede vorschote van dithma(re) dar mede ock gesonet sin