[13v-14r]

Feria tertia post festu(m) sancti / mauritij // Hennig grashof het oppelate(n) ghe=/reke(n) marquardes ene brede binne(n) / nendorp alse he se hadde /¹ Gereke graben is gekome(n) mit r(e)ch=/te van fricke(n) marquardes v(m)me ene / brandeburgesche m(a)rk dar he en / v(m)me sculdeghede / He(n)nig mertens is gevunde(n) ? los to / wesen van jacob van wenwede v(m)me / en p(er)d dat eme ansproke(n) is /¹ He(n)nig mertens het gewu(n)ne(n) ene buͦte / oppe jacob van wenwede dar v(m)me dat / he sin perd anevange(n) hadde vnde / konde des nicht mit rechte vulkome(n) /¹ Herme(n) mertens het gewu(n)ne(n) vij / mandeln krossen vn(de) dri scillinge / bru(n)swikesch(er) pe(n)nige op heine(n) busse(n) / vn(de) sine(n) borgen mathies va(n) vtmode / dat he nicht to dinge quam vn(de) bewi=/sede wur he en betalet hebbe /¹ Freder(icus) kiritz des goddeshuses vor=/mu(n)der het oppelate(n) mit vulvort / der ratma(n)ne van des goddeshuses / wegen fricke(n) ackendorp anderhalue / m(a)rk geldes meideburgesch(er) weri(n)ge / alle iar to sinte walburge(n) dage / vnd anderhalue m(a)rk geldes mey/deburgescher weri(n)ge alle jar to / sinte merte(n)s dage to sine(m) liue / vn(de) ene(n) verding an fricke(n) acken/dorpes houe to sine(m) liue , levet / hanne sin husvrowe sine(n) dot so // scalme er geue(n) vif verdi(n)ge mei/deburgesch(er) weri(n)ge to ere(m) liue , / wan se beide dot sin is disse / vorbemo(m)ede² gulde de(n) god/deshuse ledich vnde los /¹ Kolve(n)³ is gevu(n)de(n) ? dat em so(m)mer / scal betale(n) sine(n) del in vertey/nachten /¹ Grete (christ)ianes wedewe het / oppelate(n) fricke(n) koke ere(n) hoff also / se en hadde /¹ Hans mestorpe het gewu(n)ne(n) xj / krosse(n) opp hans vrsleves husvro/we(n) darv(m)me dat se nicht bewisen / kunde dat se de krosse(n) va(n) siner / wege(n) hedde vtgeue(n) /¹ Tile stun⁴ het geue(n) mette(n) siner / husvrowe(n) . x . m(a)r(k) na sine(m) dode / negest de(n) teyn m(a)r(k) de he rede / het geue(n) jutte(n) siner medden(er) vn(de) / wels sulue(n) weldich sin /¹ Hans kulitzma(n)ne is gevu(n)de(n) ? ledich / vn(de) los to wese(n) va(n) beteke(n) sculten / va(n) suppling v(m)me rocge(n) vn(de) v(m)me / voreschot ? dar he en hadde v(m)me be=/sculdeget vor de(n) sculte(n) dar v(m)me / dat he nicht to dinge was /