Wẏ radmanne der stad haldesleue bekennen vor vns vnde vnse nakomelinge openbar mit dussem vnsem open(en) breue dat wy mit / witschop vnde fulbort vnser jnnigismester(er) vnde wittigisten von der gantzen meynheid . der sulue(n) stad mit gudem rade vnde wolbedachtem moͤde / recht vnd(e) redeliken vorkofft hebben vnd(e) vorkopen , den eraftigen vnd(e) vorsichtigen heren ern dyderike domenitze vnde ern hinrike token domhe(re)n / thu magdeburgh clawese engels burger(er) der olden stad darsulues vnd(e) he(n)nige mesteriane vnsem(e) medeborger(er) . testame(n)tarien vnd(e) salluden ichtis=/wa(n)ne ern johans kiritz ok domher(e)n thu madgeburch seliger anderhalue mark magdeburgischer weringe iarlikes tynses vor drittichmark / dersulue(n) weringe , der se vns twintichmark mit redem gelde ful vnd(e) al wol betalet vnd(e) de ander(e)n teyn mark mit dussen nagescreue(n) twen wÿ/schen alze mit der groten wische in dem merbeke vnde mit eyner wische by der da(m)mollen de des gena(n)ten erjohans seliger gehort vnde gewesen / hadden , ok wol vornoget , vnde wy vord¹ ? inder gena(n)ten vnser stad miͤt ? vnd(e) fromen gekart vnd(e) genant hebben , dar tho se vns eyne mark / brandeburgisches suluers ok jarlikes tynses de deme gena(n)ten ernjohan(n) kiritze seliger(er) vor vefteyn mark des suluen suluers vp eynen wederkop / von vnser stad vorkofft vnd(e) vorscreue(n) ? is mildichliken vorlate(n) hebben . dusse vorscreue(n) anderhalue mark iarlikes tynses schullen vnd(e) willen / wy vnd(e) vnse nakomelinge vortmeer ichliken ? alle jar vppe dusse nagescreuen twe tyde alse dre ferdinge vp vnser leuen frowen dath concep=/tionis vnde de ande(re)n der ferdinge vp¹ ? den mandach vor vastnachten vnsem(e) perner(er) vnde den alderluden vnser parkerken tho twen ewigen / dechtnissen de men denne alle jar ewichliken vp de twe gena(n)ten tide dem vorbenomeden ern johann(es) seliger synen elder(e)n vnde etliken / anderen sinen frunden mit vigilien selemissen¹ ? vnde speenden holden schal vnbortochlik vnde ane ie(r)nigerleye ? hulperede vnd(e) wederspra/ke vngemanet gutliken reyken vnd(e) betalen vnd(e) me schal tho eyner iowelken der vorbeschreuen tyden vnd(e) dechtnissen dem perner(er) / eynen schilling magdeburgischer pe(n)nige , eynem iowelken capellan vnd(e) terminario ses pe(n)nige , dem kuster(er) ok ses pe(n)nige , de vnderkus/ter(er) twe pe(n)nige vnde vier schoͤlven ? [...] der scholen eynem iowelken eynen pe(n)nig(e) geuen , vnde me schal armen luden mit magdeburgischen / pe(n)nigen edder efft der armen lude tho vele worde mit stendelschen pe(n)nigen speenden , vnde wat denne na eyner iowelken spende ouerlo=/pen worde , dat schalme den alderluden der vorgenan(ten) vnsir parkerken . tho dersuluen kerken buͤwe nemen vnde beholden laten , dat we vnde / vnse nakomelinge ok also truwelken fader(e)n ? helpen schullen vnde willen dar tho vnd(e) ander(e)n aller vorgescreue(n) stucken . wy vns vnd(e) vnse na=/komelinge in gudem louen mechtliken vorplichtegen mit dussem suluen vnsem open breue mit vnser stad angehangede(n) jngesegele witliken / vorsegelet , gegheuen na godes bord vertheynhundert jar dar na in dem eynvndevertigisten jare an dem mandage nehst na dem sondage / als men singet inder hilgenkerken Jnuocauit inder vasten /