Vnsen willigen vnderdenighen plichtigen dinst to [...] Erwerdichgeste yn gode / vader vnde gnedighe leue here so alse wy vnsze¹ sendeboden van iuwer stat haldesleu(en) / wegen van iuwer gnade wegen to Calüe gesandt hadden van sake wegen den quarteren / an langede so hebben vns de vnszen nemeliken ffricke santtersleue bastian flechtnick ? vnde / hans van ruͤden des dages aüe bescheẏt to guderwysze¹ wol berichtet , wu ogenante(n) quartore / schulden yn vor tyden an iuwen vor varen bischoppe sunther seliger dechtenissze¹ ore=/schulde strifftliken v(m)me twe mark yngeldes yarliker renthe an dem rathusze¹ to haldesleu(en) / kegen den rat van haldesleue gesadt hebben dat vp wy dem vnse antwerde yn scrifften / schulden up gemaket hebben dar denn iuwer gnaden vor fare seliger dechtenissze¹ vor=/genandt schedinghe scholle up gedan hebben dat wy denn to guderwisze¹ wol vornomen / hebben des do wey iuwen gnaden witlik mẏt vnderdanigen flyte dat vns van sulken / strifftliken schulden vnde antwerden vnde alz van der scheydinghe dar up vns deger ? / vnwitlik ẏs vnde dar van nicht en weten vnde wy des ok neymande van vnser wegen / gemechtiget hebben sodane sake van vnser wegen to vor antwerden vnde wy en stan ? / den er gut(en) ? quarteren an den vor berorden twen mark yngeldes yarliker rethente neẏn(er) / were to dach bofen ? al so wille wẏ tẏgen dy ergüt(en) ? quartere nicht vu recht syn wy / willen dat up dat recht , setten to erkennen vnde willen oͤne doͤn wes wẏ oͤne dorch / recht plich ? sẏn hope wy yo dat sy vns bofen ? recht vorder nicht beclagen moͤgen / vnde wes we iuwen gnaden to dinste vnde to willen syn moͤgen dat do we to allen / tyden gerne gescreuen vnder vnser stadt jng(esegel) / Ratmanne der stadt / tho haldensleue /