[66r]

We otto baken hante von bernstede be ke(n)nen in duͤssem / open breue vor alzweme dẏe oͤn siid ? edder horet lesen / vnde bysu(n)deren vor juk ersame(n) hern schulten vnde / schepen der stat tho haldessleue dat wẏ von vormu(n)derschop / mẏt fulbort der erue(n) va(n) te(m)melen wegen hans ang(er)ma(n)s / kyndes gẏfftẏgen vnde geue(n) jn macht jwues gerẏchtes / eͤyne wẏsche vnde eẏne breyde landes gelegen by(n)nen ney(n)=/dorp vnde veyr morgen landes / tuyschen der salt ? vnde / dem ney(n)dorpe graue(n) ha(n)se moreken vnde syne(n) erue(n) meͤde / tho do(n)de vnde tho latende wat se wẏllen vth ge nome(n) / sodan tẏnse alz dat closter to oldenshaldessleue dar jarliken / me hefft vnde bẏdden jiͤck ersa(m)men leue(n) heren dat gẏder der / gẏfft to scaden vnde se dar bẏ be holden des to beka(n)tnisse hebbe / wy ey(n)gut ? en sam(m)et ? an ge geue(n) duͦssen breyff vor segelt / myt otten baken jngesegel de ge geue(n) is na (christi) ge bord / verteyn hu(n)dert jar dar na in dem seue(n) vnde vertegesten / jare ame donredaghe petrẏ vnde pauly der hylgen apostelen / ¹