Wẏ Borg(er)mest(er) vnde Radma(n)ne(n) der stadt wantzsleüe bekenne(n) open bar mit / disseme opene breüe vor jvv(e) ? ersame(n) schulthe(n) vnde schepp(e)n der / stad haldesleüe dat hans eymbek vnse olde borg(er)mest(er) mit sine(n) Raden/kümpe(n) heft besetthen lathe(n) mit vnsem stad gerichte am ersten midde/weken na sinthe angnethe(n) daghe der hillige(n) jünckfroüwe(n) in dissem yare / vor gangen van vns stad weghe(n) drenwesze mẏlhgese wonhaftich to halde/sleüe dar vm(m)e dat he noch schüldich ẏsz van sinem schothe vn(de) ber/geld dat he by dem olden rade vorterd vnde geborg(et) heft vnd(e) vm(m)e / sine(n) thegede(n) pennig(e) den he vns gnedig(en) heren van magdeborch schal / helpen geue(n) van vns stad weghe(n) vnde dat he den raden to wantzsleüe / gar oüele gedacht heft bynne(n) der stad haldesleüe vnd(e) heft gestrafed / in yegenwerdicheẏd den olden raden dar se sethen in raden scole to / wantzsleüe or(er) R(e)gist(er) ? vnd(e) oren gesworen schrẏfer den heft hans / eẏmbek de olde borg(er)mest(er) to der besathe vnd(e) to dem g(ena)nt(en) drenwese / mit recht(en) vor geheged(er) bank geclag(et) lathe(n) alze recht ẏsz dar op de g(ena)nt(en) / drenwes der clage vnd(e) desding(en) gebed(es) heft wanthe to dem negesten ding(e) / dat he sek mochte be dencke(n) vnd(e) belere(n) lathe(n) . wü he mocht(e) to sulken / clage(n) antw(er)d(en) dar op om dat ding(e) gedeled vnd(e) gefrẏst(et) ẏst wanthe to / dem negeste(n) ding(e) dat ysz den ersten donredag(e) nach sinthe wolborg(en) / daghe der hillig(en) ju(n)ckfrouwe(n) negest(et) ? to kom(m)ed(e) nach gift dissz¹ breües / vnde de sülüe drenwes vor benometh heft geloüed ingericht(en) myt hande / vnde mü(n)de(n) by den gericht(en) hogeste wedde vnd(e) bẏ vor valling(en) d(er) saken / dat he wille wedd(er) oppe den vor benomede(n) donredach erst nach sinthe / wollborg(en) dag(e) vor dat stad gericht(e) to wantzsleüe to dinghe komen vn(de) / dar sodene ? saken vor berord vnd(e) clage uth to stand(en) vnd(e) noch to / dond(e) vnd(e) dat ysz so vor thekent vnd(e) vor freded in vns stad² boke am / ersten donredaghe nach sinthe paüls ? daghe siner bekeringhe in / dissem yare negest(et) ? vor gang(en) den we vor der willen bekenich sin eft den / noͤd vn(de) behuff we(re) des bydde ersam guden fründ(e) ? juwe leüe denstlike(n) / mit flitig(er) bede mach yd sin gẏ dem vel g(ena)nt(en) drenwese ouer vnsz efte / oüer de vns van vns stad weghen neẏner claghe to enstaden so / langhe he ne hebbe sek denne va(n) vnsz sodener clage vor berord erst ? ent/broken vnd entleddig(et) infrüntschop efte in recht(en) dat vor dene he in dem / geliken efte velem g(o)teren ? mit wille(n) g(e)ue ? Jnbekentniss v(or) ? segeld mit vns stad sigill am erste myddeweken nach sinthe markes ? daghe des / hillig(en) ewangelisten anno d(o)m(ini) [...]³ nono /