[10v]

wilhelm vn(de) lucas steneken de hebbe(n) vorlate(n) ey(n) hus / hans schrader vry vppe borgher recht vn(de) wort tyns na /

[10v-11r, eingelegtes Blatt]

Schepenn tho / nien haldensleue /¹ Vnnsenn fruntlikenn gruth tho vorn Ersamenn besundern gudenn frunde Szo / gy vns vann erliker sake wegen nha inholde eyner by geschickt(e)n dredel ? gescreuen / vnnd vns recht daruͮpp tho sprekenn gy beden hebbenn [...] ? Spreke wy sche=/phenn tho nien haldensleue vor recht heddenn frame lude eyner gilde edder / broderschopp In eyner stadt acker vor der stadt belegenn dorch ? godt vnnd erer / szelenn² selicheyt ann krefftighenn sceden ? alsze² vor gerichte , edder sust vor der / lehnszhant² gegheuenn vnnd de vorstender der suluighenn broderschop mith weten / vnnd willen des borgermeisters orer broderschop tho gude denn suluighen geghe/uenn acker dreernn ? framen borgern vorkofft , dat hebben sye alszo² tho donde wol/macht gehadt Syn denn de dren kopere des ackers achtedage dar nha , vth der / der stadt orenn gekofften acker tho besichtigenn geghangen vnnd vp den suluigen / acker den eym³ enighen , de den tho hure hadde bfunden ? de vndereÿnander / vneynick gewordenn vnnd doch neyne slege noch wündenn dar gescheenn [...] ? / Alsdann beydeparth sick mith worden , vp dem acker vnderspraken vnnd vngeleuet / hebbenn dar sick doch neÿne slage , noth wünden begeuenn vnnd ock van vnder=/windige(n) des stucke landis dar dat flas vp gestann hefft , welk part dat ander / alszo² beclagenn hefft , dat mach he mith rechte , tho ohm sokenn vnnd fordernn / vnnd sick alsdann vndereynander dat auer na schulden , vnnd antwerdenn in rechte / erkennen vnnd scheyden lathen vnnd de cleger mach sodan geschicht , mith walt=/claghenn nha gelegennheÿt der saken , nicht fordern van rechtswegen vorsegelt / mith vnnsen Jngeseghell /