Wy Borgermeister vnnd Radmanne der stadt Nighenhaldesleue Bekennen vor vns / vnd vnszen¹ nha komelinghenn jn dusszem openbreiffe vor alszwem(m)de on sehn(n) hor(e)n / edd(er) leszen dat die erhaftige her hinrick mufingk ? peruer(er) ? to hundesborch gifft / vnnd hefft gegeuenn den armen luden jndem damenhusze¹ belegen by der roszmoln¹ ? / wes ? houelandes belegen vp tru(m)mtz ? velde vor der nigenstadt magdeborch de / de ehrg(ena)nte her hinrick hefft gekoft recht vnde redelicken van hinrick zeszen¹ / vnd syner eelicken husfrowen de to tinse ghan van johann allman(n) , alszo¹ dat / de vorstender(e) ? der armenlude des g(ena)nten huszes¹ de berorden ? houͮen emfanghen(n) / schal vnnd vortniszen szo men tinszgut plecht(e) ? entfanghenn vnd recht is vn(n)d / de pechte van dusszen twen houͦe landes berordt ? alle iar vp nhemen vnnd den / armen luden dar von dhon nha vorkopinge der jare szo hir nha gescreue(n) steidt / tho dem ersten scall dussze sulue vorstender(e) der g(ena)nten armen minschen alle jar / vp martini dar van kopen ein vethswin(n) vor ij gulden szo gut he dat dar vor ko=/pen kan , dat jngesnede deilen den armen luden(n) , dat speck hegen wente jn den / so(m)mer vnnd on deilen to vier(er) tidenn , alsze¹ vp paschen eynehalue side , de ande(re)n ? / helffte vp de pinghesten , vnd de ander(e)n siden de helfte vp vnszer leue(n) vrowe(n) / dach krutbrwiginghe ? de ander(e)n helffte jn der gemeynen zellwekenn to deilen / dar nha schal he vp den g(ena)nten sunte mertensdach einem islicken geuenn / j par scho vnd j par viltsocke , vorder(er) van dussen pechten geue(n) scal eine(m) islicken ar/men minschen alle jar vp den ersten sondach jn der vasten ein halffschock hering(e) / ock schal he backen laten alle jar iiij schepel weiten(n) to ver(e) ? tiden , alsze¹ to(m) ? rep=/tioms ? marie einen schepel , den ander(e)n letare to mituͦasten , den dridden to pin=/gesten , den verden vp den dach aller zelen nha alle goddeshilgen(n) szo vell brot / van eynem islicken schepell alsze der arme(n) lude jm(m) tall is , vnd ohn vp dussze / gemelte tide geuenn , vorder(er) de vorstender(er) vor sin arbeidt vnnd in meÿghescall ? / eine gelike pornen(n) ock nhemen nha dem sproke (christi) em itlick arbeider is w(er)=/dich sines loues , szo verne alsze he sunderlicken dat nicht will laten vm(m)b de / ere godes , dar nha weret van dussen pechten noch wes dar van ouerbleuͦe / schal de sulue vorstender(er) keren jn der armen lude beste wur he mercket on allermeist / nodt vnd behoff is ock efft de vorstender(er) mit den pechten nha vorlopinghe vnnd / vthwisinghe itlicker jare nicht konde jnlanghenn willen wy borg(er)meist(er) vnd rad=/ma(n)ne dem vorstender setten wu he eth den armen luden deilen scall dar he / kann midde to komen , vnd dar alle alle jar scall van bewisinghe vnd rekenscopp / don der vp nhame vn(n)d vthgauͦe vns effte wen wy dar werden vth dem rade / by schickenn vorder hefft de ehrg(ena)nte her hinrick de macht vnd gnade beholde(n) / werdt he laͤm blint kranck effte jn sodan armodt keine to lidende ku(m)mer dat go=/de almechtige were mach vp ropen dusse gifft d(er) twierhouelandes sund(er) je(n)nig(er)=/leie jnsage effte hinder(er) vnd de losze kundigen dem(m) rade effte vorstender(er) vpp / sunte johansdach bap(tis)ten² middenso(m)mer , dar nha vp martini negestkomende / vp heuen de pacht vnd sulues bruken de tidt sines leuendes vnd nha synem(m) / dode de vorgemelten twe houelandes schullen wedd(er) vallen an de armenn / lude des vaken gemelt(en) armenhuszes¹ dar ewich by to bliuͦende jn orer(er) ? brukinge / to beholden szo bouen gescreuen is , alle vorgescreuen stucke puncte vnnd / artikel reden vnd louen wy vpg(ena)nt(er) borg(er)meister vnnd radmanne vor vns / vnnd vnsze nha komelinghe(n) , dem velg(ena)nten her hinrick muͦsing stede vn(n)d / vast to holdende sund(er) jenig(er)leie behelp argelist vnnd geferde des to bekant=/nisz¹ vnnd merer(er) ? sekerheidt hebben wy vaken g(ena)nten borg(er)meister vnnd / radtma(n)ne der stadt nighenhaldesleue vor vns v(n)nd vnsze nhakomelinge / vnszer stadt jnsegell witlicken laten henghen an dusszen breiff de / gegeuen is nha (christi) vnszers¹ her(re)n gebordt duszent¹ verhunderth dar / nha jm(m) vie(re)r vnnd negentichstenn jare vp donredach nha der ? / [...] /