In godes namen amen Wi Conrad biscop van Camin Otto Warzlawe Bamain hertoghen van Stetin bekennen openbare vnde betuͦghen m dessem breue dat wi vnde oser hertoghen erfnamen ewelichan vnde jummermer willen vnde scolen stede vnde truwe vrent vnde eweghe helpere wesen vnde bliuen hern Witzlaues des edelen vorsten van Ruyen vses vrendes swagheres vnd omes vnde dar tuͦ siner rechten erfnamen vp alle de dar leuen se sin in welliker achte se sin ofte in welleker welde ofte werdegheyt mid liue mid guͦde mid steden mid mannen mid slothen mid lande vnde mid aller macht dor niner sake ofthe nod willen erer vortigen vnde wi ne scolen nen orloch antasten id en si mid sineme rade vnde vppe desse vrentscap vnd vorbindinghe dat se stede vnd ewich bliue des lecghe wi hertoghen mid em tuͦsamende land man slothe vnde stede aldus bescedeliken Were dat des god nicht en wille quod ¹ wi hertoghen storuen ane erfnamen so tuͦhand scolden land man slote vnde stede vallen vnd erfuen vppe den vorsproken vorsten van Ruyen vnde vppe sine erfnamen ewechliken tuͦ beholenden vnde tuͦ besiddende Hir neme wi vd land vnde slothe de de vorsproken biscop vnde dat godeshus van Camin mid vsen breuen vnd vser voruarn bewisen moghen Hirumme dat alle desse dingh gheholden werden vnde en jewelik stucke sunderlik so hebben en ghelouet darup al vse stede vnde al vse man vnd al vse slothe binnen der Pene vnde der Zwine Gripeswold Demin Anclam Wolgast vzdem vnde vortmer Stetin vkermunde vnde Oldentrebetowe vnde van vs biscop Conrades weghene Colbergh Cosselin vnde Massow Were ouer dat de vanme Gripeswolde des louerdes anich wolden wesen nochten scaI en jewelich stucke ganz vnde stede bliuen bi sik also id hir vore is bescreuen Vortmer were dat twischen den vorbenuͦmeden vorsten van Ruyen vnde den sinen af ene sid vnde twischen vs vnde vsen af ander sid jenich scelinghe worde oder twidrachtdat scal men holden also id hir na bescreuen steyt Were dat den van Ruyen Jeghen vnser jenich sunderliken oder jeghen vs allen gicht scelede so scolden siner riddere twe inriden tuͦ deme Sunde vnde nemen twe ratmanne thoͮ sik in der suluen stad Darthuͦ scal vser en yeghen den he de scelinghe heft senden twe riddere vnde twe ratmanne van siner stede en tuͦ en in de stad tuͦ deme Sunde Dar scolen se de scelinghe jo sonen binnen verteynachten 7) vnde dar nummer vdkomen se en si sonet endet vnde lendet vnde wat se darumme spreket ofthe settet dar scal id ganz bi bliuen Were ouer dat de dlingh nicht gheholden worden also se setten kundeghen odder spreken so scolen man slote stede vnd land sik holden an den heren vnd an sine erfnamen de dat holden wil dat de vorbenuͦmeden riddere vnd ratmanne setten kundeghen vnde spreken aIso langhe bed he dat holde vnde vulte dat se sproken vnd kundeghet hebben Vortmer we des anderen bedarf thuͦ sinen noden de scal em vor tuͦspreken achte daghe Vortmer were dat men binnen sime lande des van Ruyen ofte vppe siner schede striden odder buwen rouen odder bernen wolde dar scole wi eme volghen mid aller macht vnde helpen vp vse kost vp vse verles vnd vp vse win na mantalen Vortmer buthen sime lande vnd buthen siner schede scole wi ome volghen vnde helpen in alle sinen noden mid hundert mannen vp orsen vppe sine kost vppe sin win vnde vp sin vorles So wanne he dat van vs eschet so scole wi se em antwerden vp vser landschede jhegen alle de dar leuen Dar scalme se vs wedder antwerden scadelos vppe dat alle des vorsproken deghedinghe stede vnde eweliken vast bliuen so hebbe wi hertoghen vnde biscop Conrades man van Camin vnde vse man en truwen louet deme eddelen vorsten van Ruyen de hir na screuen sint Henningh van Ekstede Henningh Bere de marscalc Jacob van Westinghebrughe Hinric van Zagense Vicko Vos Gherard van Zwerin Claus Heyden Claus Luscow Wedeghe van Buͦghenhaghen riddere Swantes van Bonin Bernard van der Borch knechte vnde hebbed oc dartuͦ he(n)ghed vse yngheseghele Desse bref is ghegheuen vnde gheuen ² in der stad tuͦme Gripeswolde na godes bort dusent jar drehundert jar in deme enentwinthechtesten jare in suntte Johannes auende ewangelisten alse he wart ghesodden in derolgeboddene