Jn godes namen amen Wẏ ghert vn(de) herman gheheten snakenborgh de wonet thome kercdorpe / bekennen vn(de) betughe(n) openbare an desme breue vor allen luden de ene seen edder horen lezen dat / wẏ vn(de) vnse reghten erfnamen reddeliken vn(de) rechlichken hebbe(n) vor koft vn(de) laten vorkopen vn(de) laten an / desser scrith Joha(n)nese van bard borghere thome g(ri)peswolde vn(de) synen reghten erfnamen veftigh honre ghel/des vor vefteyn mark sundescher penny(n)ghe de vorebenomeden hunre scal de sulue Johannes van Bard / edder syne reghten erfnamen alle jar vpboren tho deme Kerchdorpe to ener ewighen tyd des neghesten da-/ghes sunte Mertene also van vnseme houe twintigh honre vortmer vte Hinreke Stolten erue dar he vppe wo-/net vn(de) van der haluen morghen de light bẏ deme herdehus vn(de) van der haluen morghen de dar light bẏ / deme moreke(n) twintigh honre vn(de) van der wurt de light tho Henneke Honemans erue teyen hunre vn(de) scal dar-/sulues hebben twe dagh denste Vn(de) gheuen Joha(n)se van Bard vn(de) synen erfnamen vulle magh de vorebenomede(n) / hunre tho pandende vn(de) de pande tho driuende vn(de) mit den panden tho doende also dat reght vt wiset vn(de) w(er)e / ok dat dit vorebenom(ede) vorghinghe edder vor wostet worde it scheghe wo it to queme So scolde Johannes van Bard / vn(de) syne(n) reghten erfnamen vulle maght hebben tho komende in vnsen hof tho deme Kerchdorpe vn(de) dar vt / tho pandende sunder voghet edder voghedes knech vn(de) voren de pande tho kristen vn(de) tho joden dar he sine / pagh mede nemen vn(de) hebben magh to ener tyd vn(de) vp ener stede Vormer so hebbe wy de vorebenomede(n) / hunre vorlaten vn(de) vorlaten se an desser scrift vn(de) scolen vn(de) willen Joha(n)se van Bard vn(de) synen regthe(n) / erfnamen de vorebenomeden hunrepagh vnt fryen vn(de) vntwerren van aller ansprake vn(de) scholen / vn(de) willen desse vorebenomeden hunrepagh vor ­laten vn(de) vorlaten se an desser schrift deme suluen / Hanze van Bard vn(de) synen reghten erfnamen. Alle desse dinch de hir vore screven staen de hebbe / wẏ gherd vn(de) herman snakenborgh van vnser vn(de) vnser erfnamen weghen mit ener samenden hand / ghe louet vn(de) louen an desser scrift stede vn(de) vast tho holdende mit der dat sunder alle arghelist Joha(n)se / van bard vn(de) synen regthen erfnamen Na aldusdaneme reddekem kope heft de sulue Joa(n)nes van bard / van syner vn(de) syner erfnamen ¹ weghen vns vn(de) vnsen erfnamen gheuen vulle magh dat vorebenomede hon/reghelt wedder tho kopende vor vefteyen mark pen(n)ynghe der vorebenomeden mu(n)te Dat alle desse dinch / aldus ghe scheen synt vn(de) vulgan dar hebben an vn(de) ouer ghe wezet de erbaren manne henneke van / gristow Arminger knape van wa(m)pen Her hinrik langhe vn(de) her Euert wale Raatma(n)ne thome g(ri)peswolde / vn(de) bernd slawestorp vn(de) mer lude de louen vn(de) eren werdigh synt Tho hogherer bewaringhe vn(de) sekerheyd / hebbe wẏ vn(ser) Jnghezeghel vor dessen bref ghe henghen de screuen vn(de) gheuen is tho deme g(ri)pesw(olde) na godes bord / duzen Jaar drehundert Jaar jn deme een vn(de) drutteghesten Jaare des neghesten daghes na sunte michaelis daghe