Jn no(m)i(n)e d(o)m(ini) . Amen . Wy her wedeghe Bugghenhaghen de olde(re) vor mẏ vn(de) mẏ=/ne vedd(er)en vnde erue(n) . her wedeghe de . Iunghe(re) vor my vn(de) myne(n) broder myne vedd(er)en / vnde erue(n) bekenne(n) vn(de) betughe(n) openbare an desser yeghe(n)wardeghe(n) scryft . dat myd vser / wytschop vn(de) vulbord vsen ¹ heren wartislaf vn(de) Buggheslaf de Iungh(er)en brode(re) herthoge(n) / to Stetẏn . vnde vorsten to Ruyen hebben vorkoft vn(de) vorlaten deme godeshuse to sunte / yurien vor vser stad tome g(ri)peswolde de bede hu(n)dekorne vn(de) deenst tome wylmesshagh(en) / myd allen stucken vnde saken alse yd bescreuen ys yn vser he(re)n breue de dar vppe / gheuen sẏn vnde de dat ghentzeliken vthwẏsen Allene desse vorb(enomede)n dynk an vsen / panden ligghen vn(de) vse pand(er) syn alse vser vorbe(nomede)n he(re)n breue vth wysen de wẏ / dar vp hebben . doch² so gheue wy dat ouer . Dat wy . vse vedd(er)en vnde erue(n) dat / vorben(omede) godeshus to sunte yurien vnde syne vorstend(er)e myd den breuen de wy / hebben hundekorne vnde deenste alde wyse dat se yd hebben vnde vse heren nycht / van en lozet³ . Alle vorscreue(n) stucke stede vast vnde vntobroke(n) to holdende / loue wy her wedeghe de olde(re) vor my .. myne vedd(er)en vnde eruen sunder arghelyst / an desseme breue . . To ener tüchnysse desser vorscreuen(en) stucke . hebbe wy her / wedeghe vnde her wedeghe vedd(er)en vor(benomede)n vnse ẏnghezeghele vor dessen bref / laten henghen . de gheuen ys tome g(ri)peswolde Na godes bord drutteyn hun=/dert yar an deme dree vnde souentighesten yare An deme sundaghe na sunte / katherinen daghe der hẏlghen Juncurowen