Wẏ henneke beere to der lobeniͦtze vn(de) marquard beere thome nyenhoue knape(n) / bekennen openbare an desme yeghenwardighen breue vor alden Jenen de ene / zeen edder horen leezen dat wẏ belenen vn(de) vulborden vn(de) stede vn(de) vast holde(n) / willen den kop dar ane her vicke beere ridder vor koft heft den borgher/mest(er)en Ratmannen vn(de) der menheyt der staad tho g(ri)peswolde de twe del der / holte muͦre wische watere Righte vn(de) aller and(er)en tho behoeringhe vn(de) dat drud/dendeel alder rente alzo dat henneke dotenberghe tho horet heft in dessen dor/pen meseke(n)hagen brezegher duuelsbruk kalkeuitze gristow Rẏmis vn(de) kalen/bergh . ok hebbe wẏ dat vorb(enomede) guͦd vor deme Rade thome g(ri)peswolde en tho der / hant vorlaten mid ghuͦden willen vn(de) were des en anders wor behuͦf dar se / vs tho escheden dar wil wẏ vn(de) scolen en dat vorben(omede) . guͦd vorlaten vn(de) laten / dar af on dessem breue vn(de) beholden vs vn(de) vsen eruen dar altes nicht ane / vn(de) wẏ vn(de) vse eruen scolen dor des vorben(omeden) . ghoͮdes willen vppe den Raat vn(de) / vppe de staad tho gripeswolde edder vppe anders yemande van erer weghen / nuͦmmer an zer saken To thuge desser dinch so sint vse jnghezeghele hen/ghet vor dessen breef de gheuen is na ghodes boord drutteynhunderd Jar / in deme een vn(de) achtentighesten Jare an deme auende sunte symons vn(de) Jude / der hilge(n) apostole Thome g(ri)pesw(olde) . Thughe desser vorscreuenen sake sint hinrik lussow de / wonet tho gultzow clawes he(n)ni(n)gh vn(de) gherlegh brod(er)e heten lussow de wone(n) tho candelyn / B(er)told smalenzee de wonet tho der swinghe(n) . hinr(ik) brike(n)hagh de wonet tho deme v(re)nke(n)/haghen vn(de) meer bedderuer lude de ere werdigh syn