Weten schalme dat wẏ mẏd mathias grantzow hartwẏch van wampen tẏderyk slutow vn(de) laure(n)tius rughenhaghen / hebben maket ene endracht an den yaren na ghodes bord duzent drehundert an deme twe vn(de) achtentighesten / yare alze v(m)me dat teghelhus dat hed vzer vrowen teghelhus dat licht ouer deme reke by deme rozendale / Tu deme ersten de vorb(e)n(omeden) scolen buwen dat teghelhus mid eren eghene(n) pe(n)nighen mer dat roor hebbe wy en / dar tu ghe dan vortm(er) dat teghelhus scolen ze hebben teẏn yaar quid vn(de) vry sunder hure edder rente vortm(er) / der teghelerde scolen ze vn(de) moghen bruken wor ze de stad heft mer zo scolen ze reddelken g(ra)ue(n) laten vornuͦ=/tes wech vortm(er) der mure torf tuͦ stekende na notroft des teghelhuzes vn(de) tuͦ drughende vn(de) af tuͦ bringhen / de vn(de) der schepewẏsch moghen ze bruken alzo dat ze reddelken steken late(n) vn(de) varnuͦdes wech . vn(de) nicht ouer / de schede vn(de) ok scholen ze nicht steken laten vppe de wezen vn(de) scolen ok nicht drughen vppe den wezen vn(de) scolen / dar nenen scaden vppe duͦn vortm(er) der prame moghen ze bruken tuͦ des teghelhuzes behuͦf like deme an=/dere(n) teghelhus vnder eren kosten vn(de) loue were ouer dat de prame(n) vorghinghen van storme edder dat ze zee / vn(de) zand neme edder dat se worden vorbrand den scaden schal de staad hebben vn(de) ze nicht , w(er)e ok dat dat / teghelhus vorbrande edder v(m)me weyede by(n)ne(n) dessen . x . yaren dat god vorbede de scade schall der stad weze(n) vn(de) ere / nicht . vortm(er) by(n)ne(n) dessen . x. iaren scolen ze dat teghelhus vorb(e)n(omed) vn(de) dat buwet bete(re)n vppe ere eghene koste vn(de) lon / vn(de) scolen des der stad nicht rekene(n) . vortm(er) we(n)ne de . x . iarv(m)me kome(n) sẏnd zo scole wẏ den vorb(e)n(omeden) edder ere(n) erfna=/me(n) wedder gheuen sostehalphundert m(ar)k vn(de) druttẏch m(ar)k pe(n)nighe ¹ deze vs berekend hebben by ere(n) eden dat en dat teghel=/hus ghekostet heft tu buwende . vortm(er) w(er)e id dat de arbeydes lude tuͦ deme teghelhuszẏk mishandelden mid worde(n) / edder slughen vnderlank mid drughen sleghen edder haartogheden dat nicht en w(er)e blud edder blaw edder nicht / en w(er)e an hand vn(de) halsdat moghen de vorb(e)n(omeden) richte(e) vn(de) laten ze sluten an des luden [?] hus . vortm(er) kalk vn(de) stene scole(n) / ze butene nẏma(n)de vorkopen anders den vzen borgh(er)en ze ne duͦn dat na des rades rade