Weten schalme dat wy raatma(n)ne der stad tuͦ deme g(ri)pes(wolde) hebben eendreghen vͦmme dat zold / thuͦ zedende myd hans pa(n)nensmede vnde bruͦuͦn zuͦltemester van odeslo Jn der wys alzo / hir na ghe screue(n) steẏd Thuͦ deme irsten vyftẏch m(ar)k schole wy en lẏen thu twen / huͦzen tuͦ buwende vnde de huͦs scholen ze zuͦlue(n) buwen de wonhus scholen ze zuͦlue(n) buwe(n) / de pa(n)nenscholen ze zuͦluen thuͦghen de vuͦrynghe scholen ze zuͦlue(n) thuͦghen vnde scholen / de vuͦrynghe nerne halen vnde halen laten hir vͦmme lank tuͦ lande edder tuͦ . wat(er)e dar / dar ze vzen borgh(er)en schaden deẏt vnde teyn Jar hebben ze huͦred tuͦ zedene dar / vore scholen ze jslykes jares gheue(n) vor islyke pa(n)ne . xij puͦnt soltes alzo tuͦ islyker qua=/(r)temp(er)e iij punt van der pa(n)nen dar mede scholen se vryg wezen van aller vnplycht / Vnde na der tyd wan ze beghinnen tuͦ zedende so schole wy ze vordedinghen vor vze bor=/gh(er)e hebben ouer vore twedracht had dar ane wylle wy ze nẏcht vordedynghen vnde an desme iare so scholen ze dat bevaren vnde beghy(n)nen tuͦ zedende tuͦschen pynksten vn(de) / paschen neghest tuͦ kome(n)de vn(de) de l . m(ar)k scholen ze vore wyssen alzo dat ze dar mede / buwen vnde dat bevaren vnde by(n)nen den teyn iare(n) schal nẏmant zeden den ze beyde mẏt / twen pa(n)nen vn(de) dat zold scholen ze vorkope(n) by lasten by halue(n) by schyppu(n)den by haluen / vnde by tu(n)nen vn(de) anders nẏcht vn(de) wen de teyn jar vͦmme ko(m)men synt So schal dar / nẏmand negher wezen tuͦ huͦrende de sceden vnde hus wen zee eft wy ze vor huͦren / willen vͦmme zo vele alzo ze ghelden moghen vnde wen de teyn iar vͦmme kome(n) Js id / dat de hus vorkoft werden wes ze mer ghelden wen . l . m(ar)k dat scholen de ma(n)ne vorb(e)n(omed) /hebben vnde vnzer eyn schal deme and(er)en holden teẏn iar yͦmme [scr(iptum) salto(?) an(?) rem(ini)sc(er)e]