De schelinghe vn(de) de twydracht de hinr(ik) van lubek hadde geghen her Arnd lang(hen) borghermest(er) tu g(ri)pes(wolde) de hebbe / wẏ veere alze her iohan lew(erenz) vn(de) arnd lang(hen) de iu(n)ghe van her arnd lang(hen) weghen borghermest(er) vorb(e)n(omed) vn(de) / wẏ iohan brasche vn(de) emtenaus [?] wicbold van hinr(rikes) weghen van lub(eke) alze meine vru(n)de . ghe kore(n) van beyden tzyten mid vuller macht aldus dane wẏs alze hyr na screue(n) steẏd en tweẏg sproke(n) hebbe(n) vn(de) en twyͤghen / spreken alzo dat her arnd lang(hen) vortm(er) vn(de) zyne reghte(n) erfname(n) dat dorp tuͦ der eldena hebbe(n) vn(de) behol[den] / den scolen vn(de) vredelike(n) tuͦ ewyngheldesen tẏde(n) be sitten alze vor dessen vorb(e)n(omeden) hinr(ik) van lub(eke) vn(de) vor zẏne erfname(n) / vn(de) de vorb(e)n(omede) her arnd lang(hen) scal gheue(n) dor sundergher leue wẏllen vn(de) vru(n)tscop hinr(ik) van lub(eke) vorb(e)n(omed) vn(de) syne(n) / erfname(n) vppe su(n)te m(er)te(n)s dach nu neghest tuͦ kome(n)de vẏfhunderd m(ar)k pe(n)nighe de nu ghenghe vn(de) gheue zẏn / w(er)re dat her arnd lang(hen) vorb(e)n(omed) edder syne erfname(n) edder de vormu(n)de(re) van erer weghene dat vare screue(ne) dorp tuͦ / der eldena vor kopen wolden edder vorkoften edder sulue(n) be holden wolde(n) zo sal de vorb(e)n(omede) hinr(ik) van zyn(er) vn(de) van zyn(er) / erfname(n) weghenden koop bebreue(n)vn(de) vulborden deme koopma(n)ne edder kooplude(n) alzo dat hee vn(de) zyne erfname(n) an deme vorb(e)n(omeden) gude tuͦ der eldena zẏk nicht scal dar ane beholden tuͦ ewyghen tiden hee vn(de) zyne erfname(n) vn(de) immer dar vp tuͦ zakende w(er)e dat de vorb(e)n(omede) her arnd edder zẏne erfname(n) edder ere vormu(n)de(re) dat vorb(e)n(omede) / dorp nicht vorkoften tuschen hyr vn(de) sunte m(er)tens daghe neghest tuͦ kome(n)de zo scal de vorb(e)n(omede) hinr(ik) van Lubek / van zyn(er) vn(de) zyner erfname(n) weghen deme vorb(e)n(omeden) her arnd vn(de) zyne(n) erue(n) edder ere(n) vormu(n)de(re)n alzodane / breue gheue(n) alze hyr vore screue(n) ẏs vn(de) we(n)ne de tẏd der beredinghe kumpt zo scal de vorb(e)n(omede) her arnd nẏen / gheld vt gheue(n) de bref zẏ van hinr(ik) van zẏn(er) erfname(n) weghene tuͦ vore(n) deme vorb(e)n(omeden) her arnde vn(de) zyne(n) / erfname(n) edder ere(n) vormu(n)de(re)n edder ereme koopma(n)ne bezegheld vortm(er) dat stucke dat in deme breueͤ steyd / dat sproke vppe de eldena den zẏn vader heze gehold(en) heft dat scal bẏ zyn(er) macht bliue(n) stede vn(de) vast Screue(n) vn(de) / vulletaghenzyn alle desse vorb(e)n(omeden) dink tuͦ g(ri)peswolde in deme r(er)nent(er)e der baruede(n) mo(n)nyke na godes boord dusend / iar drehunderd yar in deme vyf vn(de) achte(n)tighesten yare des ande(re)n dingstedaghes na pascen vortm(er) zo heft / hyr na hinr(ik) van lubek vorb(e)n(omed) vor vs ghe wezed vn(de) heft openbaar bekannt dat her arnd langhe de iu(n)ghe heft em wol / be red de vifhundert mark van des olden her arndes weghen vn(de) dar mede zo heft sulue hinrẏk van zẏk vn(de) zyner / erfname(n) weghene deme sulue(n) arnd langh(e) deme olden dat dorp an der eldena mẏd alle zyner tuͦ behory(n)ghe vor / vs vor laten [scr(iptu)m ... post festu(m) vte(m) katherẏne]