Jn Godes namen amen .. Witlik vnde openbare scal wesen allen christenen luden de dessen yeghenwerdighe(n) gref / zeen edder horen lezen Dat ẏk Beernd bere wonachtich tho vorgatze knape van wapene van myner vnd(e) my=/ner erfnamen weghen . na Rade vnd(e) vulbord der yenen der ere Raad dar tho was tho eschende . hebbe vorkoft vnde / vorlaten vorkope vn(de) vorlate tho eneme rechten kope an dess(ir) scrift Den erebaren luden her mathias hoghhenze / Raatma(n)ne vnd(e) lambreght lowen borghe(re) thome g(ri)peswolde vorestende(re)n der elelenden zeken tho zu(n)te Juryen bẏ / deme g(ri)peswolde vnde eren nakomlinghen twẏntich m(ar)c pacht jn dessen dorpen . alze tho bustorpe van deme ho=/ue vn(de) ziner thobehoringhe dar nu inne wonet suluighe Erik zasse vẏf m(a)rc pacht an deme dorpe tho buggen=/tyn van deme houe vn(de) ziner thobehoringhe dar nu inne wonet Clawes vischer vyf m(a)rc pacht van deme houe / dar nu inne wonet hinric houeman vnde ziner thobehoring(e) teyn m(a)rc pacht der mu(n)te de ghenghe vn(de) gheue / is . alle Jaar vppe su(n)te mertens dachvp thoborende vn(de) thoentfaende vnde tho ewighen tyden vredegen tho / Berithende myt alleme rechte deme hoghesten vn(de) deme zidesten an hals vnd(e) an hand . vnde des my(n)nesten rech=/tes nuͦttecheit alze de ¹ vorebenumede pacht my vn(de) mynen vorevaren heft tho gehe hord .. Vortm(er) gheue ik [...]² sin=/ner vnmyn(dighen) erfnamen weghen der voreb(enomeden) elelenden zeken eren vorestende(re)n vn(de) nakomeling(hen) vullemacht / de voreb(enomede) pacht thopandende vt den voreb(enomeden) houen vnd(e) erer thobehoringhe wanne vnd(e) wo dicke en des / noed is vnder dar macht mynes lenes de pande tho driue(n)de vn(de)tho vorende wor an dat euerst kumpt vnde / tho vorzettende vnd(e) tho verkopende alzo dat ze ere gantze pacht moghen hebben vnd(e) vpboren . vnde wolden / den voreben(omeden) elelenden eren vorestende(re)n edder nakomeling(hen) dar yenich brake ane de scal ik vn(de) myne erfen / vnd(e) nakomeling(he) en gantzliken wedderlegghen .. an ener [...] ² berichtinghe der voreben(omeden) hebbe ik / Bernd voreben(omed) de voreben(omeden) elelenden zeken ere vorestedne(re) vnde nakomening(he) van myner vn(de) myner Erfne=/men weghen angheuurset vn(de) vurze ze an de were in dess(er) scrift .. Vortm(er) wan de voreben(omeden) zeken elelenden / ere vorestende(re) edder nakomeling(he) my edder myne erf(nemer)e dar tho esschen zo sette ik vn(de) myne erf(nemer)e de voreben(omede) /pacht vor den leen heren verlaten vnde schicken dat de pacht ere leen werde . hir en bouenen were ye=/mand he were van wat macht he were de de voreben(omeden) elelenden zeken ere vorestende(re) edder nakomeling(he) / an der voreben(omeden) pacht edder erer thobehoring(he) bewore edd(er) niderde van alle den de zik an pachte worden / nogehn laten scal ik vn(de) myne erfn(amen) ze vntweren vnde vntfrien vnder vnseme arbeyde vn(de) kosten Vortm(er) / so scolen de voreben(omeden) elelenden vn(de) ere nakomeling(he) de voreben(omede) pacht hebben vn(de) bezitten myt alleme denste / vn(de) myt aller thobehoring(he) tho ewighen tyden vor twe hu(n)dert m(a)rc pe(n)ni(n)gehe su(n)descher munte deze my gehe=/tellet betalet vnde bered hebben gantzliken to ener noghe vnde an myne vn(de) myn(er) erfn(amen) nud vn(de) noed/ ghekeret sint ere desse breef ghescreuen is vnd gheuen .. a aldusdaneme redeleken kope alze hyr / vorescreuen is hebben de zuluen her mathias vnde lambrecht van der voreben(omeden) elelenden weghen vnde / erer nakomeling(he) mẏ vnde mynen erfnamen gehe geuen vullekomene macht wedder tho kopende de / vorescreuen twintich m(a)rc m(a)rc pacht vor twe hu(n)dert m(a)rc pe(n)ni(n)ghe voreben(omede) mu(n)te wan wy willen des dat / de wedder kop sche vppe enen su(n)te mertens dach vppe den zuluen zu(n)te mertens dach scal ik efte myne erfn(amen) / den voreben(omeden) elelenden edder eren vorestende(re)nde voreben(omede)n twe hu(n)dert m(a)rc pe(n)ni(n)gehe an ener su(m)men an reden / pe(n)ni(n)ghen bereden vn(de) betalen bynnen deme g(ri)peswolde vor de voreben(omede) pacht vnde wan wy de pacht / de en vallende is vppe den su(n)te mertens dach vnde van allen su(n)te mertens daghen to voren vp gheboret / den en scalme en de su(m)me des houetstoles nicht rekenen edder afflaan vnde wan [...] ² / den voreben(omeden) wedderkoop willen hebben dat scole wy den voreben(omeden) elelenden efte eren vorestende(re)n [...] ² / tho voren ku(n)deghen vn(de) zegghen .. alle desse vorescreuenen stucke vnde zake hebbe ik Bernd voreben(omed) / vnde wẏ johes tho yergenow vnde hinrik tho Tressow brodere gheheten [...] ² / Byddessow tho [...] ² vnde Clawes van Bentyn tho Bentyn knapen van [...] ² / vnser erfnamen weghen myt ener zamenden hand gheredet vnde ghelouet vnde [...] ² / an dess(er) scrift stede vaste vnde vnbevlecket tho holdende myt der daet den [...] ² / vorestende(re)n vn(de) nakomeling(hen) voreben(omeden) .. vnde gheuen ouer alle hulpe gheystlikes vn(de) werlikes rech=/tes dar me aldus dane breue mede hinderen edder breken mochte Tho ener openbaren bekantnisse vn(de) / orku(n)de hebbe wy vnse inghezeghele henghet an dessen breef De gheuen vn(de) screuen is tho deme / Gripeswolde na godes boord dusend iaer drehu(n)dert yaer in deme zouen vn(de) achtenteghesten iare des / du(n)nerdaghes in den hilghen daghen tho paschen Tughe desser stucke sint de erbaren lude her johan lo=/we borghermest(er) her vince(n)tius wicbold vn(de) her arnd langhe Ratlude thome g(ri)peswolde vn(de) uele mer / guder lude de louen vnde erewerdich sin