Vor alle den yenen de dessen breef zeen edder horen lezen beke(n)nen wy ertm(an) wetler mathias gram=/tzo vn(de) hartwich van wampen raatma(nnen) tuͦ g(ry)pes(wolde) dat wy ghelouet hebben vn(de) louen an desme bre=/ue deme hochghebornen vu(r)sten vzeme ghnedighen here(n) herthoghe bugislaue tuͦ wolgast dat de / twe brude(re) herma(n) vn(de) curd deze heten frumen nicht van lubek zẏnd mer dat ze zẏnd vt prutze(n) / went tuͦ der tyd dat ze breue bringhen vt prutze(n) van deme homest(er)e vt prutze(n) edder van deme / kumture van dantzyk dat ze van lubek nicht en zẏnd vn(de) wen ze de breue bringhen vor vzen / here(n) vorb(e)n(omeden) zo schole wy quͦyd vn(de) los wezen vn/de) ok enschole(n) ze dar nicht vp saken Tu ener beka(n)t=/nisse hebbe wy vze inghezeghele an dessen breef henghen laten de gheuen ys na godes boord / drutteynhundert jar an deme zeuenvn(de) achtentighesten jare des dunredaghes vor sa(n)cte / m(ar)ten des hilghen biscopes