Wy bosse nytzow vn(de) clawus nytzow toͮ nyencerken vn(de) vse rechten eruen be ke(n)nen / vn(de) be tughen openbare Jn desser scrift Dat wi schuldich syn van rechter schuͦlt redelken / vnde rekkelken van rechter schuͦlt toͮ liken houetluden myd ener sameden hant Deme / wisen ma(n)ne her nicolaus eneme pristere de nv won(et) toͮ breest vn(de) syne(n) rechte(n) eruen eyn / mark su(nde)sch vnde [...] ¹ sundesgher pe(n)ny(n)ghe vn(de) de wedderlye der pe(n)ny(n)ghe de he vs rede / leghen vnde tellet heft vn(de) gantz in vse nvt komet is Jn desse brif gheue(n) vn(de) screue(n) / ist . Vor desse vorbenoͮmede su(m)men vm(m)e pande vnde de rente der pe(n)ny(n)ghe hebbe wi em / setten vn(de) wan is em edder synen erue(n) vn(de) sine(n) vru(n)den be huͦf is vn(de) wa(n)ne ze vs dar toͮ / eschen zo scole wi vn(de) willent em setten vn(de) laten vor den len he(re)n des ghudes vn(de) ver/wilkoͮren vs des Jn dessen breue dat id ere rechte settede ghuͦt scal wesen liker wis oft / wi id em sett(et) hadden dat de here des lene . dar Jeghenwardich hadde weset vn(de) bevulbor=/det hadde vnde setten em . vn(de) laten vor rechte . vn(de) vor boren toͮ nyendorpe [...] / twyntig m(ar)k gheldes Jn deme dorpe toͮ nyendorpe ane twe schillinghe . van vsen houen va(n) / houen . vn(de) koten . vn(de) van den luden de dar vp wonen . van hinrik wekke siner houe / vn(de) dren hvͦuen neyn mark gheldes . su(n)desgher pe(n)ny(n)ghe vn(de) van ener halue(n) huue / de nv cluͦuer buwet iij . mark gheldes vn(de) van deme koten den cluuer van vs heft / .x xiiij schillyngh gheldes sundesgher pe(n)ny(n)ghe . De scal he vn(de) syne erue(n) vn(de) syne vru(n)t / nv toͮ su(n)te mertens daghe des hilghen bischopes de nv neghest toͮ kome(n)de is vry vn(de) vnbe/wuͦren vt deme vorbenoͮm(eden) ghude boren . vn(de) vore toͮ allen su(n)te mertens daghe zo lan/ghe wante he houetstul [ ... ] vn(de) rente alze vor be noͮm(ed) is gantz vn(de) al tuͦ hus / heft vortm(er) heft he vor vs louet tuͦ dymin tideke lowenberghe vor xij m(a)r(k) sundisch vn(de) vor de wedderlye vnde toͮ deme gripeswolde heft he louet ty(m)me hoken vor / . x . mark vnde de wedderlye . Dar loue wi vn(de) vse erue(n) des louedes neine(n) mach . vnde de vor benom(eden) / xiij m(a)r(k) gheldes de scolen ze boren alle iar toͮ su(n)te m(er)tens daghe vn(de) scolen nicht van / em los wesen . wi hebben ze no(m)me(n) van schuͦlt vn(de) van scaden . su(n)der recht . also . dat he is nicht / scal toͮ sweren . vn(de) wi is nicht scolen vn(de) willen . my(n)neren myd rechte vn(de) scal ok nicht / los wesen van em . wi hebben ze ni(m)mre . van alle louede wor he vor vs loued heft vn(de) / van alleme scaden . den he edder syne erue(n) des louedes neme(n) moghen . wer(et) ok dat is em / not w(er)e zo scal he edder syne erue(n) vn(de) syne vru(n)t ze panden . wor ze ze koft hebb(e)n ko(n)ne(n) vn(de) / scolen de panden vuren edd(er) dryuen su(n)der broke in ene stede . dar id aldir euenst ku(m)pt / vn(de) scolen de pande vor kopen . edder ver setten . vn(de) scolen ere pe(n)ny(n)ghe mede nehmen / wert em ok vurder borst he scal mer panden alze dicke alze em des be huf is . su(n)der / broke vn(de) scal dar mede vare(n) alse vor benoͮm(et) is . wer(et) ok dat em Jenegherleye borst / edd(er) brake worden . Jd we(re) an deme gantzen su(m)men . de vor benoͮm(et) is . edd(er) an eneme / dele des su(m)men . edd(er) an der rente . edder wes he vs bereke(n)ne(n) kann . dat wi em schuldich / syn vn(de) nicht be screue(n) . vn(de) be noͮm(et) is in dessen breue . edd(er) an alleme kouede wor he / vor vs lou(et) heft . Dar loue wi em vuͦl toͮ todu(n)de van Jare tuͦ Jare alse dicke alze me / vs toͮ secht myd vnbewuren reden pe(n)ny(n)ghen edd(er) myd so vele panden . deme vuͮren edd(er) / dryuen mach . dar ze ere vnbewuren reden pe(n)ny(n)ghe toͮ eneme mate ² mede neiuͤe moghen / toͮ cristenen toͮ verkopende . edder toͮ Joden toͮ ver settende vp Joden wuͦker . Wer(et) ok /dat em dar bouen Je(n)negherleye borst edd(er) brake worde . an deme gude dat wi em / sett(et) hebben vn(de) an deme louede dat wi em in desseme bryue louet hebben vn(de) vortm(er) / in al den stukken . de in desseme bryue be noͮm(et) synt vn(de) Jn alle anderer schuͦlt de he / de he³ berekenen kan . vn(de) in desseme bryuenicht be nom(et) is So scal em als vse guͦt em / atan . likerwis alze wi em bebriu(et) hebben . de xij m(a)r(k) gheldes . Jd si varenhaue / Jd si ok watte guͦt . dat id si dat vse is . Jd si ok wor it sy . Dat scal he vn(de) syne eruen / vn(de) syne vru(n)t panden . ane broke vn(de) scal dat verkopen . edd(er) vor setten . Wor(et) em / euenst kumpt alze dicke alse em des be huͦf is . so lange wan he alle schuͦlt vn(de) scaden / vn(de) alle iruede alse vor be nom(et) is gantz vn(de) al toͮ hus heft . vn(de) al de wile . dat he / syne pe(n)ny(n)ghe vn(de) rente alze vor be nom(et) is nicht gantz vn(de) al toͮ hus heft vn(de) van / aller schuͦlt vn(de) van alleme scaden [vrigen] is alse vor be nom(et) is . So scal desse briv / allike nẏe . alle syne guͦt . allike vast vn(de) vnd straffet wesen . in al syne stuk/ke(n) alz vor be noͮm(et) is . al desse vorben(omede) stukke vn(de) en Jeslik bi su(n)derliken . loue / wi bosse vn(de) clawus vedde(re)n de beden nytzow vn(de) vse erue(n) deme vorbenoͮme(den) / her Clawuͦse tu breest vn(de) synen erue(n) vn(de) syne(n) vru(n)den Jachym Ebele(n) vn(de) Erike(n) van heydebrave vn(de) syne(n) kalandes vru(n)den toͮ treptow [... / ...] En truuen myd ener sameden stede vn(de) fast toͮ holdende hir heft auͦuer wes/set heyne ghereman hinreke peter vse [crutzher] tuͦ bust [In ... ] datu(m) anno d(o)m(ini) m v xxx / [...] die andrea Apos(tolis) [ ... ]