In no(min)e d(o)m(ini) amen vor allen cristenen luden de dessen breef seen edder horen leezen bekennen vn(de) bethughen wẏ lippold / vn(de) heẏno brodere ghe heten beeren dat wẏ na rade vn(de) vulbord vnser neghesten vn(de) alder der ere rad vn(de) vul=/bord dar tho weren scholte hebben vorkoft vn(de) vorlaten vn(de)vorkopen vn(de) laten an desme breue den erbaren luden / her vlrik burow Raatma(n)ne vn(de) lambreght lowen borghe thome g(ri)peswolde vorstende(re)n der elenden an sunte Juryens / huse vor deme g(ri)peswoldevn(de) eren nakomelinghen veer mark yngheldes penny(n)ghe der muͦnte de ghenghe vn(de) / gheue is enes yeweliken jares vppe sunte mertens dagh des hilghen bischopes an deme dorpe tho zansten / van deme houe dar nu ane wonet conrad bunsold vn(de) ener houe de dar tho light vn(de) al synen anderen / thobehoringhen tho nemende vn(de) thoendfande(n) vn(de) tho ewẏghen tẏden mẏt alleme reghte hoghest vn(de) sydest / an hals vn(de) hant vn(de) mit des mẏnnesten reghtes nuttecheyt frigh vn(de) fredeliken tho besittende also / de vorebenomeden veer mark yngheldes mẏt all eren thobehoringhen vns vn(de) vnsen olderen hebben tho / ghe horet . Sunder allen denst vns vn(de) vnsen eruen vn(de) nakomelinghen tho doende Vn(de) were dat de / heren des landes van den voreben(omeden) veer mark yngheldes ẏeneghen denest escheden edder an ẏenerleye / denste reght weren van zeede edder van plight den schole wẏ vnse eruen vn(de) nakomeninghe van vnsme / ande(re)n gude doen . Vn(de) wes wẏan den veer mark ẏngheldes vn(de) eren thobehoringhen ghe hat hebben dat / late wẏ gentzliken den voreben(omeden) elenden vn(de) eren nakomelinghen vnde gheuen vn(de) laten den voreben(omeden) / elenden vn(de) eren vorestende(re)n vn(de) eren nakomelinghen vulenkomene maght de voreben(omeden) veer mark ẏngheldes van / deme voreben(omeden) houen vn(de) synen thobehoringhen tho pandende wanne vn(de) wo dicke en des noet is de pande / tho driuende tho borende tho vorsettende tho vorkopende edder wo en dit euenst kumpt also dat se ere / Rente gentzliken moghen hebben vn(de) boren An ene vredesamme besittinghe der voreben(omeden) veer mark ẏn=/gheldes vn(de) erer thobehoringhe hebbe wẏ de voreben(omeden) elenden ere vorstende(re) vn(de) nakomelinghe ghe wẏzet vn(de) / wẏzen ze dar an in desser yeghenwardighen schrift vor vertich m(a)rk pennẏnghe(n) der muͦnte de thome gri=/peswolde ghenghe vn(de) gheue is de vns gantzliken ghe tellet gheuen vn(de) bereed synt vn(de) gentzliken an / vnse nut ghekeret er desse breue schreuen synt . Vortmer were ẏmand de de voreben(omeden) elenden ere vor=/stendere edder nakomelinghe an den voreben(omeden) veer mark yngheldes edder erer thobehoringhen be wore / hinderde edder bewore bekummerde dar schole wẏ ze gantzliken af vntworen vn(de) vntvrẏen vnder vnsme / arbeẏde schaden vn(de) kosten . De voreben(omeden) veer mark ẏngheldes mẏt all eren thobehorẏnghen scholle wẏ vn(de) wil=/len den voreben(omeden) elenden eren vorstende(re)n vn(de) nakomelinghen vor den vorsten des landes vorlaten vn(de) schik=/ken dat en dat van den voreben(omeden) vorsten vryngheldes ghelened werde myt der daet Na aldusdaneme redeli=/ken kope hebben de voreben(omeden) vorstendere der benomeden elenden vns vnsen eruen vn(de) nakomelinghen vul=/le maght ghe gheuen wedder tho kopende de voreben(omeden) veer mark ẏngheldes vor veertigh mark penny(n)ghe / der muͦnte de voreben(omed) is wanne wẏ willen des dat de wedder kop sche vppe enen sunte mertens dagh vppe / den suluen sunte mertens dagh schole wẏ de voreben(omeden) vertigh mark en an ener summen an reden pe(n)nynghen / bẏnnen der staad thome g(ri)peswolde bereden vnde betalen mẏt der daet vn(de) de Rente de denne vallende is vn(de) / de Rente van den ande(re)n jaren de denne [... ... ...] ¹ vpgheboret vn(de) / de en schalme an deme houetstole nicht ap slaen edder rekenen vn(de) wan wẏ desse voreben(omede) Rente willen wedder / kopen dat schole wẏ vn(de) willen en en half jaar tho voren witlik doen . Alle desse voreschreuenen stucke vn(de) sake / hebbe wẏ lippold vn(de) heẏno brodere ghe heten beeren voreben(omede) van vnser vnser eruen vn(de) nakomelinghe weghe(n) / mẏt ener zamenden hant gheredetvn(de) louet vn(de) reden vn(de) louenan desser scrift den voreben(omeden) elenden eren vor=/stende(re)n vn(de) nakomelinghen stede vast vn(de) vngheulecket tho holdende mit der daet sunder alle arghelist vn(de) / vortmer wẏ hennẏ(n)gh beere tho slawergh vn(de) hennẏ(n)gh beere tho mursow van vnser vn(de) vnser erfnamen weghe(n) / hebben alle desse voreschreuenen stucke vn(de) sake ghemeghteghet vn(de) vulbordet vn(de) meghteghen vn(de) vulborden / se an desser schrift . vnde gheuen ener ghe hulpe gheestlikes reghtes vn(de) weerdelikes reghtes dar me aldusda=/ne breue mede hinderen edder breken moghte vn(de) dat reght scal vns nene wẏs ẏeghen desse breue nutte / edder hulpelik wezen . An ene hoghere bekenntnisse hebbe wẏ vnse ẏnghezeghele an dessen breef laten hen=/ghen . De gheuen vn(de) schreuen is thome gripeswolde . na ghodes boord duzend Jaar der hundert Jaar an de=/me neghene vn(de) aghtentighesten Jahre des neghesten daghes der hilghen apostel daghe alse se ghedelet / worden Tughe desser stucke vn(de) sake synt de erbaren lude her Johan low . her wolter van lubeke her / arnd van der letzenitze borghermestere thome g(ri)peswolde . her vintentius wicboldi her arndt langhe Raat=/manne dar sulues thome g(ri)peswold . vn(de) vele meer lude de louen vn(de) ere werdigh sẏnt