In den namen godes amen vor allen cristenen luden de dessen Breef zeen edder horen / lezen be kenne ik Bernt Bere van vergaste dat ik hebbe louet myd mynen rech=/ten erfnamen vnde kin(deren) an desser scrift den erbaren luden meyster Bert Boc=/holter Joh(ann)es Bocholte Jacobe van lubeke vnde Joh(ann)es van lubeke vnde Katherine(n) / Galeyde to stikke(n)de vnzes heren hertoghe Warslaues breef vnde vulbort vor zu(n)te /mertenes dage negest to komende vppe drevnde twintech mark gheldes in deme / dorpe to zanste van des wikkenrodes wegen alzo de breef gansliken vtwizet / de darvp ghe geuen vnde screuen is de yk em vor koft hebbe vor twehundert / mark vnde veyftich mark mu(n)te de genge vnde geue ys de yk gans in eneme / zu(m)men hebbe vp ghe Bo ret vn(de) an mine nuͦt ghe keret weret ouer dat ik / em vnzes heren Breef nicht stikken konde vor der vorsprokenen tiet zo / scal ik vnde myne eruen em den vorbenuͦmeden zu(m)men gheldes alzo twe=/hundert mark vnde veyftech myd reden pe(n)nighen wedder gheuen to / betalende myd eneme gansen zu(m)men Binne(n) deme g(ri)peswolde vppe den zul=/uen zu(n)te mertens dag neghest to kome(n)de de rente to voren to aller tiet / vte deme vorsproken dorpe vnde houen vp gheboret vn(de)an der zu(m)men nicht / ghe rekenet vn(de) quenien zee van des gheldes wegen dat id to tiden nicht vt / worde geuen in ieneghen scaden den scal ik em wedder lekken vn(de) mine er=/uen disse vorscreuene(n) stukke stede to holdende loue ik Bernt Bere alzo eyn / houetman vn(de) gert guastowe vn(de) michel horne to slatekow clawes pe(n)tyer vn(de) Bert westin myd ener zameden hant vn(de) en iewelik by zik Alzemede louere / zunder allerleghe holpe rede gestelik edder werlik myd vnze(n) rethen eruen to / ener groter betuchnisse hebbe we vnse ingezegel henget vor dessen breef de ghe=/uen is na godes bort dusent iar drehundert vn(de) in deme drevn(de)nege(n)teghesten iare in deme / tage des hilgen here(n) zu(n)te nicolaw tuͦge zint her arnt bere gert va(m)me ha(m)me binne(n) gripes(wolde)