Vor allen erebaren an Cristo Louighen Luden dar desse vnse breff vor kumpt to zeende edder to / horende mit sunderheẏt Juw erwerdighen manne(n) ge(re)n borg(er)meste(re)n vnde radmanne(n) der stad / St(ra)lessunde vnsen besunderghen guden vrunden bukenne wy borg(er)meste(re) vnde radmanne der / stad gripeszwold openbar an dessem breue dat vor vns sẏnt ghewesen vnse leue(n) erwerdigheen / loue(n)uaste bezeten medeborghe(r) pawel panker vnde Tẏdeke hane . de mit vppe gheholden henden / uthestreckenden vinghe(re)n bij eren Lijpliken swaren eden ene(n) louenwerdich tuchnisse dan hebbe(n) / vnde tugheden dat Eggherd schulte Albrecht schulte kersten schulte drewes oldehauer hen(n)ingh / oldehauer Clawes gormitze hen(n)ingh gormitze vn(de) gretke kroͤn vnde gheze huͤxzen juwe mede / borg(er)ssche in god vorstorue(n) zeligher dachtnisse was erer moder gretken haͤlff suster echte vn / rechte baren also dat zee erer negheste(n) erfname(n) sint to alle den nalaten gude(re)n der jrbenom(eden) / ghezen vn(de) nu(m)ment negher is edder also na r(a)t Woru(m)me bughe(re) wy andachtliken leue(n) he(re)n / vnde vrunde dat gi en gunstich vordelik vnde bistendich v(m)me vnsen willen willen wesen dat en / de sulue(n) erfliken gudere van erer moder halfsuͤster weghen dar zee recht ane sint sunder lan=/ghe voͤrtogheringhe(n) moge vnde koste gutliken volghen moghe dat wẏ alleweghe jegh(e)n juw wille(n) / vorschulden gudwillich vnde hebb(et) leue(n) he(re)n vnde guden vrunde gantzen louen vnde to vorsicht / to vns dat wes en van dem erfgude gheantwerd(et) waͤrt vn zee entfangh(e)n dat dar v(m)me in toka=/men tiden vurder nu(m)ment v(m)me mane(n) schal des to ener tuchnisse so is vns(er) Stad secretu(m) to rugghe / drucket uppe dessen breff Na godes bort M CCCC jar dar na jn dem Li te(m) jare jn der hilghen driez koni(n)ghe auende