Ik hinric rubenow lerer des keyserrechtes vnd borghermester tom gripeswolde bekenne / vnd betughe openbar an dessem breue dat yk hebbe vorkoft to enem rechten standen kope my=/neme gnedighen heren hertoghe wartislaff forsten to Stettin vnd rugen et(cetera) dem olderen / vyeff marc gheldes de yk hadde van her johan hilghemarie(n) mynes wyues vadere yn dem / dorpe prickemole vor ener summen gheldes de my wol to der nöghe vnd to danke betald vn(de) / er der makinge desses breues vnd beholde mynen eruen myt alle nycht dar ane des to / vullekamener tuchnisse so hebbe yk henghen myn jngheseghel vor dessen breff de de ghe=/uen vnd screuen ys na der bort cristi dusentveerhundert darna an dem dre vnd veftighes=/ten des dyntstedaghes vor sunte marten des hilghen byscoppes