Wy borg(er)meiste(re) vnde radmanne tome Gripeswolde bekenne(n) vnde betuͦghen apenbar an / dessem vnsen breue vor alle den Jenen de ene zeͤn edder hore(n) lesen Dat wij bernd / mukernitzen hebben aff gheborghet enen Joden Abraham ghenomet den wij em leuen=/dich edder Doͤt willen wedder in antwerden Laten bẏnnen Anclem up dessen neghestka=/menden meydach ane alle huͦlperede So verne sẏk vnse gnedighe here bẏnnen der / tijd nicht vrmitlikerwise anders mit vns dar v(m)me vorgheẏt dyt laue wij Bernde / vnde synen eruen an guden truwen vnde Louen stede vnde vast to holdende ane alle gheuerde zinde we dessen Jeghenwardighen breff mit berndes wille(n) heft de / schal so mechtich mede manen alze ofte hee em van worden to worden were to scre=/uen zinde des to orkunde hebbe wij vnser stad Secretu(m) nedden henghet an desse(n) breff / dede gheue(n) vnde screue(n) is na der bort Christi dusent veerhundert jar Dar na an dem vyfvndeveftighesten Jahre des neghesten midwekens na vns(er) leue(n) vrouwe(n) daghe