Witlick zy juw dat her Peter quant heft thosprake ghedaen Hans beyer vor deme vogede wodanewisz he em plichtich vnde schuldich were x sundesche mark dar he ene vormalsz vor den kemeren beschulden heft vnde heft ene vp de pandinghe hath to zin dar nene pande to halende zo heft he bekant em vor de vogede ghelick vor den kemeren vmme vorwissinghe willen heft he huss vnde hof lyggende grunde stande stockke vor eyn hantsettet pant ghesettet beth tho der tyd her peter quant vornuget werde weret sake he dat zo nicht holden wolde zo schal her peter quant voruolgen alze recht isz alze eyn hantgesettet pant dyt isz geschen dess drudden sundages na paschen ynt jar xciii presentes fuerunt hans bolhagen hinrik blomendal