Witlick zy juw dat Hinrick Klinkenberch heft angespraken vor Gherichte Clawes Kotlouw vmme louetucht van wegen Clawes Detleuef wonaftich tor Nyen Warpe vor 4½ m(ark) dat lede em Hinrick Klinkenberch to ensshant Kotlouw bekande des loftes Ordel vnde recht gaf nademe he bekande enszhant scholde enshant antwerden men Kotlouw bekande zo bescheiden hee hadde ghelouet sulfander vor 4½ m(ark) Hir quam Klinkenberch vnder ogen vnde zede Kotlouw vorde eyne clacht vnder ogen dar dede he der enshand wedder speringhe Dat schulth Kotlouw vor den rad nademe Hinrick Klinkenberch heft eynen anderen vmmeslach ghemaket sedder der tyd des loftes vnde sulfander gelouet heft vor 4½ m(ark) he will em dar nen antwerd vor geuen presentes fuerunt Marquard Stoltenhaghen Hinrick Kock Dyth schude desz Middewekens na Quasimodogeniti Dat he eynen andern vmmeslach maket dat will Kotlouw bewisen anno xciij