Witlick zy juw dat Hans Swauen, des wakescriuers houetknecht heft laten vorbaden hans Kule eynen schoeknecht vor den lubeschen bom van weghen dat he syne vrouwe by nachtslapen tyden yn ereme eygen husze worph myth eyneme stenkrusze dar he er mede anwrochte II brun vnde I blauwe ordel vnde recht gaf kulen he scholde dat vorbuten der stad myt IX punden zo scholde he borgen setten edder he scholde borgere setten zo nam ene de Vrone vnde wolde ene bringhen yn de heren slote vnde zede em ere vnde louen he wolde willichliken medegaen sunder nottagent dar wort he erlosz vnde truwelosz zo is dat richte em gheuolget myth rechte myth der veste zo Lubesch recht vthwiset voruestet presentes fuerunt Gotke stensz hans Mathias dyt schude desz middewekens na Johannis syner entouinghe ynth jar xciij