Witlick zy alswem(e) dat Claw(es) Leuenhag(en) Pet(er) Eggebr(e)ch(t) ¹ tho Cernewa(n)tz / wonaftich hefft hebbe(n)² gheslag(e)n mÿth eren hulp(er)en enen bure(n) / gheheten Kregenberch wonaftich thom(e) Leue(n)hage(n) wat / welker(e) slachtinge na syne(me) dode isz gebracht vor ghe / richte vnd(e) de hant affgheclaget vnd(e) de misdedere / bestryct Dar na thorechte eschet dree reẏszen vnd(e) nema(n)t / quam tho antw(er)de ock isz id en vorwitliken vor dat dhor(e) / Done isz tho getreden Titke kregenberch mÿth syns broder / kind(er)en zeliger dachtnisze vnd(e) hefft ze laten eschen thor / veste claghe ze qu(e)me(n) nicht ock wasz dar nema(n)t de ze / borge(n) wolde . Done stu(n)d de voget vp vnd(e) nam den andadern / vth dem(e) vrede vnd(e) lede ene jn den vnruede vnd(e) vorboth / en alle herlichheit vnd(e) vrichheit . d(e) stadt vnd(e) de ze vnd(e) / qu(e)me Juw(er) bergen zo scholde don dem(e) w(er)de ghelick dem(e) gaste efte andadeden worde der wol ou(er) gheslag(e)n me scholde de nicht / gelden