Witlick zij alszwem(e) dat een leÿgenbroder desz klosters Eldena zo / de negeste bord alze he vor gaͤff hans Vresse zelig(er) dachtnitze / de gheslagh(e)n wort bij der nigenk(er)ken van ha(n)s horne eyn / molre tho karrendorpe den he entliken beclagede mẏth syne(n) / hulperen vor ghe richte ock alle de jenen de mede jn flockken / vnd(e) vorden gheweszen hebben vth enem(e) Richte intander de / ha(n)t tho vore(n)de myth r(e)chte to vor fordere(n)de vnd(e) wor(e) vnd(e) wath / Richte ze beslag(e)n werden en na erem(e)n quade(n) daden dhon wat / recht isz jn wat r(i)chte efte steden ze beslag(e)n werden ock / alle de ẏene(n) de ze huszen vnd(e) hauen jn wat landen vnd(e) / steden ghelik den andaden scholen gherichtet werden hefft / ordel vnd(e) r(e)cht gantzliken ghegunth vnd(e) tolaten ghelick dem(e) houetmanne test(es) claw(es) danckw(er)t claw(es) cleuesadell / Jacob segelke Sade(n)wat(er) acta qu(ar)ta f(er)ia post d(e)collatio(nis) Joha(n)nis /