Item h(er) Johan Erick de borg(er)meister heft Jasp(er) Bu(n)sosche(n) ij reissen late(n) / vor baden vor gherichte vnd(e) ze iss sumich gheworden Ordel / vnd(e) r(e)cht gaff me scholde ze vorbad(e)n druddew(er)ue mÿth deme / mÿnste(n) richte vnd(e) myth ij bosetene(n) borge(re)n vnd(e) dhon er wath / lubesch r(e)cht isz su(n)der broke testes Amb(ro)si(us) kijsow hinrick kock tew(es) / bolhage(n) Act(um) t(erti)a feria post letare Ordel vnd(e) r(e)cht gaff forder(er) / Er Joha(n) erick jndem(e) ze isz vorbadet tho iij vellighe(n) r(e)chtdag(en) / myth ij besetene(n) borghe(re)n vnd(e) nu(m)me(n)t van fru(n)den quam clage(n)de / ere noth noch antwert tho geue(n)de vnd(e) hadde sick ghegheue(n) jn / der wakenitze Gaff em ordel vnd(e) r(e)cht dat gantze(n) richte myth / dem(e) wakescriuer scholde gaen vor ere dore vnd(e) de r(e)chtdel(er) schold(en) / ene inwiszen jn de nalatene gudere Jasp(er) Bu(n)souw(en) vnd(e) sẏnen / nalaten(en) kyndere an liggende gru(n)de stande stokke wechlik / vnwechlik vnd(e) de late(n) boscryue(n) gantzlik(en) beth tho der tydt ze / va(n) beyden parten mÿth rechte ofte fru(n)tschop v(m)me vorscheide(n) sÿnth / Testes jacob segelke quilow d(er) schomak(er) Jacob B(er)teld Teskendorp / mest(er) Jurghen Jasp(er) bigendorp hin(ri)k kock pet(er) bronnekouw Act(um) / qui(n)ta f(er)ia an(te) Judica Jtem dhon de gude(re) boscreue(n) w(er)en jeghe(n)-/werdich de erszamen johan smiterlouwe richtevoget ha(n)s / wendeler wakescriu(er) hin(ri)k swaue(n) Syu(er)t krull Barto(lomeus) le(m)meke / he(n)ni(n)ck slichtekrull Acta qu(in)ta f(er)ia an(te) d(o)m(inica)m Palmar(um) infra / prima(m) et t(er)tiam/

Witlick zij alswem(e) dat dem(e) vorsichtighe(n) h(er)en h(er) joha(n) einck / borg(er)meister dorch der r(e)chtdel(e)r isz vo(r) antw(er)det en swart pert / ock d(er) stadt ere gelt ghegheue(n) vnd(e) heft ghehor(e)t ha(n)sz thom(e) /helm(er)shaghen de sick va(n) den gud(er)en afhe(n)dich ghemaket vth / haüe vnd(e) gude dar de(n)ne de Ersame(n) vnd(e) vorsichtighe(n) h(er)en Er(n) / Pet(er) qua(n)t vnd(e) h(er) cosmas sittorp alze su(n)te jurge(n)s h(er)en na der / frouwe(n) dode jederma(n)ne vor sÿne schuld wesz vor antw(er)det / hebbe(n) zo hebbe(n) ze dem(e) Borg(er)meister(e) vor[...] vor xxv guld(en)