Witlick zy alszweme dat ordel vnde recht gaff Clawes Smarsowe in gherichte contra hermen Luchterhand in syner thosprake indeme dat were kopenschop dare he wort vmme boschuldiget luchterhant scholde vor gherichte antwert gheuen Dat schult luchterhant myth 1 ordele vor den Radt idt scholde richtet werden vor den kemeren nach deme idt herqueme van schepeswerke Testes Bertelt Stuckman Sadenwater Ick boschuldigede smarsow ene vor 1 gulden lentgelt dar both Luchterhant nen recht vor actum des Midwekens na aller apostell daghe Ock vorwarede Hermen Luchterhant in Gherichte scholde he tho der ensshant forder antwert geuen heft he sick vorwaret vnuorsumet Testes mester Ludeke Bigendorp actum vt supra