Witlick zy alsweme dat eyn losz knecht by namen Clawes Molre bordich vth deme lant to rughen heft sick entliken voremydet tho Clawes meyger thome helmerikeshaghen van deme daghe der hilghen dre koninghe beth des sundages na Pasce negest kamende vor XXIII sch(illinghe) van ghebrek vnde anualsz der kranckheit desz Sundages Inuocauit heft sick tho bedde ghelecht zo dat he wort borichtet vnde olget vnde dranckgelt kostede my intsamende III sch(illinghe) der aresteschen mester mertenschen forder louen secht vor ere kunst vnde arstedie dat my clawes wisesche na syneme dode dho ick em vnde ere syne kiste myth synen klederen vorantwerdede myth alle synen guderen szeden ze my van des knechten frunden schadelosz van aller manighe de gudere den frunden nicht tho vorantwerdende bohaluen in myne jeghenwerdicheit Testes Jacob staden peter schulte jacob Prutze hinrik Turow thomas helmershagen tewes de spelman vnde de wakescriuer dee gaf ick IIIIsch(illinghe) int bock tho scriuende Actum die Brandani in deme Paschen infra IX et decimam de mane in domo Clawes wischen