Vor allen Cristi louighen mÿnschen de dessen Breff zoen efte horen lesen Bekennen wij Otto wotzenisse to Teskolbe Kersten passolbe to mistorp hinrick vnd woencke Brodere ghenomet / va(m)m haghene to Bukow wanastich lant zathen vnde Inwanre des kerspels Brotenmistorp(e) Camyns stichtesz vnde hinrick pansz to Kempelÿn hansz kanzer to Nyendorp(e) / Tewes steÿn to Teskow vnde hinrick wildegosz to Surkow wanastich vorstendere efte vor wesere der vorscreu(en)e kercken mistorp(e) ziner houet zu(m)me(n) vn(de) Jarliken re(n)te / pachte vnde boringhen dat wij mit vüllen wol bezy(n)ne deme rade vnde vulbordt alle der Jenne(n) deme dit nedderscreue(n) mach tokame(n) efte anroren Besunder(e)n / myt vnsesz leuen kerkhere(n) von Sabel Snoteck rade hete vnde vulborde hebben vorkoft vorlaten vn(de) ieghenwardich in craft vn(de) macht dessesz breuesz vorkope(n) vn(de) / vorlaten to enem(e) ewighen kope tobeholdende vnde tobesittende Deme grodtwerdighen heren vn(de) meister Reymar hanen kerkheren der kerken Stralessundt / Zwerinsz stichtes de pacht vn(de) iarlike boringhe de vnse kerke grote(n) mistorp(e) plach to hebbende et(cetera) makinghe dessesz breuesz an eyner houen an eynem(e) dorpe / ghenomet Tremete beleghen in deme kerkspele to Bristowe in deme lande to barthe vnde Nu tor tijde alse datu(m) neddenscreue(n) der vorscreue(n) houen pacht man / gheno(me)t henncke vurknecht vnde desuluen pachte vorbeno(me)t vnseme erscreuen kerspele mistorp(e) er(er)malsz hebben v(m)me gadesz ere vn(de) willen ghegheue(n) de Erbar(en) Du=/chtighe(n) ma(n)nen vn(de) frauen prester(e) he(n)nigh(en) vn(de) Reymer brodere g(e)no(me)t Büc guder dechtnisse de myt guden apenbare(n) scriften helen breuen vn(de) Ingheseghele(n) vnser Jr=/screue(n) kerken mistorp(e) ersten vnd gantz to ludende ewighen to besittende vnd tobeholdende vnd desz breuesz ludt myt alle zinem(e) inholde va(n) worde to worde in latin=/scher sprake ghescreue(n) zo hir navolghet [Om(n)ibusz existi fidelibusz... octauo]

Welkeren vorseghelden breff wij vorben(omenden) / lantsathe(n) vn(de) vorstendere der velescreue(n) kerke(n) mistorp(e) vor vnsz vn(de) vnse nakomelinghe hebben vor antwardet vn(de) ghedan Deme vorscreue(n) bru(der) Reymer hanen / ewighe(n) to hebbende tobesittende vnd brukende ghelik wo vnse vorfarde vn(de) wij der vnsen kerken to Nutticheit rouwesam bet tosuszlanghe hebben ghehatt vn(de) bruket / vnde vor sodane vorbenomde Jareslike pacht heft vnsz de baue(n) scre(ue)n br(oder)e Reymar hane in reden pe(n)nighe(n) ouertellet in ganckbarer mu(n)te eynen tzu(m)me(n) pe(n)ni(n)ghe / den wij in vnsesz gadesz husesz nütticheit vn(de) beste ghekert hebbe(n) vn(de) von vorbenomede(n) lantzate(n) vn(de) vorscreue(n) vorstendere desz erscreue(n) gadesz husesz mistorp(e) vm(me) vnse / Nakomelinghe willen deme vorscreu(en) Reymar hanen der vorscreue(n) pacht eyne were wesen vor alle de racht neme(n) vn(de) gheue(n) willen vn(de) ene fryen va(n) aller an=/sprake geystlik vn(de) werlik vn(de) wise(n) densulue(n) bru(der) Reymer hanen dorch vn(de) vor middelst vnsesz gadesz husesz vorseghelde houet breff an de vorscreue(ne) pacht ghelik / ofte dat scheghe efte schen were vorgherichte vor schulten vn(de) buren Also dat de Erscre(ue)n B(ruder) Reymer hane mach mit der vorbenomde(n) houe vn(de) mit ere(n) pachte(n) / de dar van kame(n) vn(de) kame(n)de werden do(n) vn(de) laten vn(de) desuluen bruken in aller mathe vn(de) wise wo em beleuet in eynem ewighe(n) kop tobeholdenden besittende / vn(de) to brukende To groterem louen vn(de) merer bekantnisse hebben wij baue(n) screue(ne) Otto wotzenisse kersten passow hinrick vn(de) werncke vam haghene lantsate(n) / eyn islik zin eghene Jngheseghel henghet nedden an dessen breff Screue(n) na der bordt Cristi vnsesz here(n) vefteynhundert vn(de) dridden Jare am daghe Joh(ann)isz baptisten ziner enthouedinghe