[...] ¹ Wẏ Johan Greue van Holtzsten vnde van stormeren . be kennen in desser ieghenwordeghen scrift , Dat wi ghedeghedinghet hebbet vnde vs vor/bvnden hebbet mit erbaren wisen mannen . den Ratmannen der stat tho lubeke in desser wise , Dat wi en helpen scolen vppe alle deghene de den / køningh van denemarken voruanghen hebbet . vnde noch voruan eder vorunrechten willet vte deme lande tho holzsten . vnde [...] deme lande tho / Holzsten . tuischen deme denewerke vnde der stat tho lubeke . vnde alse wẏt alse is dat lant tho holzsten vnde tho stormeren , Des gelẏk hebbe wẏ / vs vorbunden , Dat wẏ den vorbenomeden Ratmannen . vnde der stat tho lubeke helpen schølen vppe alle deghene . de se voruanghen hebbet vnde noch vor/van . eder vorunrechten willet bẏnnen der vorbenomeden schede . vnde den vorbenomeden landen , vnde vmme desse were vnde helpe en tho donde , So / scøle wẏ holden en tho helpe hvndert man mit helmen . vnde hvndert man mit platen vppe hinxsten . vppe vse kost . vnde vppe vse eghene wẏn vnde vor/lust , Worden se auer ghedrenghet . dat se mer were behoueden . wes wẏ dar vmme mit den vorbenomeden Ratmannen vnde se mit vs ouer en dre/ghen . dar scal dit bi bliuen , Were ok dat en strẏt worde . dar wi tho samene weren . wat dar vromen erworuen worde . den scalmen like delen vnde / buthen na mantalen , Vortmer alle vordingnisse de scal wesen half vnde half , Worden ok slote ghewunnen . de scolen ok des syluen ghelik wesen half / vnde half , Ok scolen en open stan vse slote . Pløne . vnde de kẏl . vnde alle vse slote de en euene komen . wor dat wi se hebben , Were ok sake . dat de van / lubeke wene sculdegheden . de se vor vanghen hedde . Dar scole wi en van helpen mẏnne eder rechtes binnen vier weken . eder helpen en vppe de alse hir / vore screuen is , Vortmer is dat also dat de van lubeke willen vtmaken enen hercoggen ² in de see . so scole wi des ghelik ok enen coggen vtmaken mit / werafteghem volke vppe vse eghene kost . mer de van lubeke scolen vs den coggen dar tho lenen , Desse vorbenømede vor bindinghe scal stan van der / tho komenden hochtẏt tho pinxsten vort ouer en iar . vnde alle de vmmot de der stat tho lubeke ensteẏt van desser vorbindinghe . dar scøle wi vs nicht / vmme daghen eder sonen . se en hebben des ene sone vnde enen ghantzen ende , Vortmer vmme de breue des lantfredes . de scolen mit dessem bande vn/tobroken wesen . wente men de io holden scal also alse de thospreken , Dat desse vorbescreuene stucke alle stede vnde vast bliuen . so hebbe wi ghe louet / den vorbenømeden ratmannen vnde louet en bi vsen truwen in desser scrift . alse wi tho ener opembaren betughinghe vse ẏngheseghel hebbet laten ghe heng/et tho dessem breue , Ghedeghedinghet vnde ghe gheuen to lubeke . na godes bort . Dusent . drehundert . Jn deme twe vnde verteghesten Jare . des ersten / sondaghes in der vasten , [...] ³