JN godes name(n) ame(n) ,1 Na der bort vnses heren Dusent Jar vn(de) dre hundert vn(de) in deme viue / vn(de) viftegesten iare Des mandaghes na svnte marcus daghe So do ich egghert luchtemeker min / testamente aldus To deme ersten gheue ich vnser vrowen viij sol(idus) , Jte(m) so gheue svnte [mathias] 2 / to deme dome viij sol(idus) , Jte(m) so gheue ich svnte Jacope iiij sol(idus) . , Jte(m) so gheue ich svnte clemente / iiij sol(idus) . , Jte(m) so gheue ich deme hilghen gheẏste iij m(a)r(k) wente is dat sake dat ich egghert luchte=/mekere , sterue so heft min wif den wilkore wer se wil in den hilgen gheẏst eder nicht wen / kumt se in den hilghen gheẏst to eẏner sust(er) so hebbet de dre m(a)r(k) nene macht , Jte(m) so gheue ich / mime wiue3 beken al min guͦt bouen de schult . bedden kannen . gropen . dat si in weliken gude dat [...] / Dit hebbe ich ere gheuen bi sunt . vn(de) bi wol macht . vn(de) dat sulue heft se mi weder gheuen . wer / dat se er storue er ich , Des hebbe ich ere vormu(n)dere settet , To deme ersten [van vlsen]** / vn(de) sweder warendorpe . vn(de) Johan rasseborghe . vn(de) herman smilowen minen vedderen , Jte(m) so ghe=/ue ich mime vedderen herman smilowen al min resschop to luchte werke vn(de) al mine horne de / nicht rede maket sint Des sette ich minen vedderen herman smilowen mime wiue to arbeyde / to aldem reden werke .dat dar is wat he arbeẏdet an deme werke . dar scal se eme gheuen / af jo den dridden penni(n)gh . Des sint dit de tughe her Johan wittenborch . vn(de) her tẏdeman sto/keleẏt . De rat heren
| 1 | da q-ähnliche Symbol wird im folgenden als Satzzeichen gelesen, da es sich offensichtlich um keine Abbreviatur, sondern ein Gliederungszeichen handelt |
| 2 | hier wie an anderen Stellen unleserlich durch stark verblaßte Schrift |
| 3 | über der Zeile eingetragen |