Witlek sy alle den ghenen de desse denke breue zen efte horen lezen / dat wy bertram vorach Jacob plescow . vormu(n)dere to deme hilgengeiste / to luͦbeke . broder herme(n) Schoneuelt mester dar suͦlues . annamet / hebben gherdes acker van deme dale . de belege(n) is buten deme borch/dore bouen der wokenisse . tho viij . iaren . mit sodan(n)e beschedene(n) / vorworden . alze hir na gescreuen stat . Dat wi van deme ackere geue(n) / scholen . dat irste iaer . de viften garne(n) . so denne alle de ande(re)n iar / de verden garnen . Dee schalmen mit des hilge(n)gestes wagene vnde / perden voren . gerde in sine Schuͦne . vnde de . xv . m(a)rc . de dar vtgat / to papen tegeden . Der sal gert . viij . m(a)rc betalen . vnde de hilgegest / vij . m(a)rc . vnde gert sal beholden enen vrẏen wech ouer den acker / den de hilgegest a(n)namet heft van gerde . to sineme ackere den he / buwet . vnde wan de viij iar v(m)me kome(n) zin . we denne van deme / ande(re)n wil . de sal em en iar vor to seghen . vortm(er) wan de iar v(m)me / komen sin . dat de hilgegest dar af scheden schal . vnde wan des hilge(n) / gestes korne aue is . So mach gert den acker plogen efte weme / gert den acker doẏt . Dat dit aldus gheschen is . dar hebben ouer / gheweset . her albrecht traueman . vnde her godeke traueman . de / hebben hir malk enen denkebref van de hilgegest den dorden . gert / den verden Datum anno d(o)m(ini) . mº . cccº lxxº vº in festo vinc(u)la petri deo dignj