Jn godes namen Amen Jk lambert Reygher en borgher tuͦ lubeke medemechtich mẏnes danken vn(de) mẏnes lichames vn(de) mẏ=/ner redelicheẏt Js dat ik den dot vorekomende bẏn so schicke ik mẏn testament tuͦ deme ersten aldus . Tu deme ersten / sy witlik dat al mẏn ghuͦt varende is also dat ouerste buͦk inneheft . vortm(er) so hebbe ik binnen lubeke hundert m(a)rk ghel=/des der rente wil ik bruͦkende wesen mẏneleuedaghe . Na mẏme dode gheue ik gøzeken mẏme zøne de rente in deme rade / vn(de) dar se mede coft is tuͦ deme ersten viftich m(a)rk iewelke m(a)rk vor achtingne , de gheue ik em tuͦ brukende like varender / haue vortm(er) gheue ik em dortich m(a)rk rente indeme rade tuͦ lub(eke) . iewelke m(a)rk vor twintich m(a)rk . der scal he brukende wesen / like varender haue . vortm(er) gheue ik em in deme hus in der vischstrate dar ik inne wonet hadde . xx . m(a)rk rente iewelke m(a)r(k) / vor . xx . der scal he bruken like varenderhaue . vortm(er) gheue ik mẏme zone gozeken allent dat ik lesten mach id sẏ be=/weghelik vn(de) vmbeweghelik in alder werlde wor ik dat hebbe like varender haue vortm(er) gheue ik ghesen mẏner maghet / xv . m(a)r(k) lub(esch) . vortm(er) gheue ik tuͦ vnser leuen vrowen tuͦ deme buwe x . m(a)r(k) lub(esch) dar kese ik mẏne graft vore vnder den / sten dar mẏn husvrowe vnder licht . vortm(er) wil ik dat mẏne vormuͦndere scolen gheue(n) tuͦ vif iaren iewelkes jares / x m(a)r(k) dor mẏner sele willen dor god Alle desse vorscreuenen stuͦcke wil ik stede vn(de) vast holden , also langhe went ik se / mẏt leuendigher stempne vn(de) openbar wedder spreke Tu vormuͦnderen kese ik her hinr(ik) westhoue wenemer / berkhoue peter van der boken , ghert tusvelde vn(de) arnde van erle . Acta Anno d(o)m(ini) . mº . ccºc . lxxvjº fe(r)ia qui(n)ta / ante Reminisce(re) Test(es) su(n)t d(o)m(ines) . Hinr(ikus) de loo (et) danquardus de zee c(on)sules lubicen(ses) .