Dẏt is de ansprake de wij borghermeste(re) vnde Raedmanne der Stad to lub(eke) doen Jeghen den dorchluchteden vorsten . hertoghen hinrike / to brunswijk vnde to luneborgh .. To deme ersten dat sine man vnde denre . Rike guntzel van bertensleue ghert grenink , her hinr(ik) / denre van velte(n) ernst bodendorp vnde dẏderik zoltouwe(n) knechte Reden vte sineme slote celle vnde neme(n) bẏ , soltouw . her goͤdeken ¹ / trauelma(n)ne vses Rades mede kumpa(n)e in wande in stoͤre in heringhe also gud alse . xiij . m(a)rc lub(esch) . vnd(e) vij . s(chilling) . Vortmer hern herme(n) / gherde ² dertzouwe(n) in w(er)cke also gud alse . iijc . m(a)rc . vn(de) . xl.iij . m(a)rc . vortmer ertmer bruͦnen vse(n) borgh(er)e in wande in Rotlassche in Roden / Ruͦschen Reme(n) in buntw(er)cke in Rekelinghe also gud alse . lc . m(a)rc ane and(er)en schaden in stoͤre vnde in heringhe den se vp houwen / Dẏt was vppe herman prutzen waghene ² karen vnde dem suluen herma(n)ne neme(n) se . vj . perde also gud alse . l . m(a)rc ok venghen se den / sulue(n) vorman vnde schattede(n) eme . vj . m(a)rk af .. Vortmer worden vse(n) voghede lasbeke(n) . vj . perde nomen in der Reẏse dar hertoghe / hinrik vp den velde suluen mede was in deme lande to stormen . vortmer . liiij . wispel Rogghen ² weten de sine denre neme(n) vp der elue / vsen borghe(re) clauwes bldeken alze he dat tuͦ den hilghe(n) sworen heft ³ de suluen Rof ² name qua(m) to winsen vp dat sloͤt vnde in de Stad vnde mẏt siner witschop dar entholden / dẏt is vs ghescheen bẏnne(n) guder handelin(n)ghe vnde sunderliker vruntschop . alse vs hertoghe hinr(ik) vorb(e)n(omed) wol [...] ² to steit alse wij / hopen vnde oek ene wol vormane(n) wille(n) vnde hopen dat hertoghe hinr(ik) vorb(e)n(omed) vnde de sẏne vs dat mẏt bote wedderdoen schullen / sunderlike(n) na deme dat is vp der vrighen strate scheen is beẏde to lande vnde to wate(re) . Desses Rechtes bliue(n) wij vorb(e)n(omede) borghermeste(re) / vnde Raedmanne bẏ iv dorchluchtede(n) vorsten hertoghen Erike deme elde(re)n vnde hertoghen Erike de(me) Junge(re)n hertoghe(n) to Sassen / vnde bidden iv dat gẏ dẏt mẏt Rechte vorscheͤden .. dit ⁴ is ghescreue(n) vn(de) gheue(n) . des sondag(es) vor symo(n)is (et) Jude der / hilg(en) apost(el) jn den Jare(n) god(es) m cccº in deme xc jare vnd[er] vnsem jng(esegel)