Anno d(o)m(ini) mº cccc x corp(or)is (christi) / Wytlik sij dat , de ersame her Johan Bere borgermester to lubeke kersten / beseler Alff westede , hermen bernstorp , hans hilge , hinrik gripeshorne vnde / hermen mayer hebben gededinget vnde vorhandelt , tusschen Tylen lent/ forde , vnde Schipper clawes stenbeken , van wegen der gudere alse lxxxv / last , schepes laste , prüyssches gudes , tokomende hinrike van werde vnde / [...] borgeren to dantzijke der Tijle lentfort erben(omet) mechtich is , van erer / beider wegen to entfangende , Aldus , dat , schipper clawes stenbeke Tijlen lent/forde schal lecereren lxxxv vlamische schepes laste pruÿsches gudes / vnde wan dat , bescheen is , so schal tijle lentfort schipper clawese stenbeken / geuen vnde vornogen vor de vracht vor elke vlamissche schepes last / iij mark lub(esche) pen(inge) vnde des , schal tijle lentfort stan alle vngelt dat hirup kumt . /