Anno (et cetera) . mº . ccc xlvº [...] d(o)m(ini) / [Herman meyer ... delot ?] / hinrik Hauschilt , diderik hauschilt , vnde hinrico hauschilt , brodere vor deme / boke hebben bekant , dat se mani(n)ge vnde tosprake hebben gehad , to hermene / wärschauwer wonaftich to bulauwe , v(m)me dat , Hermen wärschauwer thoma(s) / hauschilde , eren broder to dode schole geslagen hebben , jo doch de vorscr(euene) / parte Beide , dorch hildebrande hoyemanne marschalke vnde hinrike kosse schaffere / des rades , to Lubeke , v(m)me de erscr(euen) dotslachtinge vruntliken sin vorscheden to / enem gantzen ende Also dat , de erben(omeden) dree brodere de hauschilde vor deme / boke hebben bekant , dat , se in uorbeteri(n)ge van der vorscr(euenen) dotslachtinge / wegen eres , erben(omeden) broders thomas , hauschildes , seligen van hermene warschawen / hebben entfangen . xv . mark , lubescher peni(n)ge . vnde de vorscr(euenen) dre bro/dere de hauschilde mit eren eruen , magen vnde vrunden geboren vnde vnge/boren vorlaten hermen Warschäuwen sine eruen magen vnde vrunde , ok / geboren , vnde vngeboren , der , erben(omeden) dotslachtinge thomas häuschild(es) , van der mani(n)ge wrake vnde aller ansprake , mer qwijt leddich vnde losz . hir / weren ok an vnde aüer kopeke lockwisch hans stafhorst vnde merten / Warschauwe alse medededingeslude . /