Jk albert semelbecker Radman vn(de) sotmester To lunenborch bekenne open=/bar in dessem breue vor alsweme dat ik vor vyfhundert mark pe(n)ni(n)ge / lubischer weringhe de my ghenslyken vornoghet vn(de) voͤrt in myner / eruen nuth ghekamen synt mit vulbort myner eruen rechtes kopes / vorkoft hebbe vn(de) vorkope zo sulues mit kraft desses breues den werdighe(n) / ghestliken vederen heren hinrike horneborghe priori vn(de) den anderen / vederen vn(de) broderen des closters tor borch bi(n)nen lub(eke) de nu synt vn(de) eren / nakomeli(n)gen p(re)diker orden xxv m(ar)c gheldes yarliker rente der voscreuen / weringe vth myneme huse houe wurde vn(de) alle eren tobehoringe(n) beleghen / twischen her ditmer semelbecker vn(de) meyneke sankenstede(n) wonhusen / in der scroder straten bi(n)nen luneborch in thwen tyden des yares Alse in den / achte daghen des festes pinxten xiii lub(esch) m(ar)c vn(de) in den achte daghen su(n)te / mertens des hilghen bisschoppes der ghelyk xiii lub(esch) m(ar)c bi(n)nen lub(eke) yarlikes / in vuller rente vnbewuren to betalende scheged ok dat god afkere dat en / yenich ghebrek worde in desser vorscreuen(en) betalinge so scholen vn(de) moghen / de vorbenom(eden) prior vn(de) vedere sik to irhalende holden an myne erben(omede) hus / hof wurde(n) al eren tobehori(n)ge(n) vn(de) myne andere gudere so langhe dat de be/talinge vul vn(de) al gheschen were wen ouer my vn(de) myne(n) erue(n) eddere besit/tere des vorgherorden huses vn(de) syner tobehoringe dat beqweme is so mo=/ghe w [[[UNTRANSLATED text:text-input: y;`]]] de xxv m(ar)c gheldes vor vor vyfhundert m(ar)c pe(n)ni(n)ge lub(escher) weri(n)ge wedd(er) / vtkopen dest wy den vederen vn(de) brodere(n) des closters de to der tyd synt den / wedderkop en half yaͤr to vor namelyken vppe der vorscreu(en) tyde ene mu(n)t=/liken edder mit vnsen breue(n) vorkundighen edder witlik don vn(de) gheue(n) en / denne wan dat halue yar na der vorku(n)dighev(m)mekomen is de vorscreuen / vyfhu(n)dert lub(esche) m(ar)c in gude(n) graue(n) ghelde alze de(n)ne bi(n)ne(n) lub(eke) ghenge vn(de) / gheue is mit der bedagheder vn(de) plichtigher rente dar sulues bi(n)nen lub(eke) / vnder vnsen eghen kosten scaden vn(de) euenture vnghehindert in enem su(m)men / Des tho orkunde vn(de) merer bekantnisse hebbe ik dessen bref mit myne(m) / angehanghede(n) yngeseghele gheueste(n)t vn(de) w [[[UNTRANSLATED text:text-input: y;`]]] bra(n)t van tzerstede vn(de) / ditmer semelbecker Ratma(n)ne to lu(n)eborch beke(n)ne(n) an dessem(e) sulue(n) breue / dat wy vm(m)e des ersam(en) heren Albert semelbeckers vorbenom(ede) bede willen / Jn Tuchnisse der vorscreue(n) stucke vnse yngeseghele mede ghehe(n)get hebbe(n) / an dessen bref gheuen na (cristi) bord m cccc xlv i(n) sunte merte(n)s daghe /